Renfeko makinistek hirugarren greba eguna dute gaur
Semaf tren makinisten sindikatuak gaurko 24 orduko lanuzteari eustea erabaki du atzo Renferen zuzendaritzarekin egindako bilera akordiorik lortu gabe amaitu ostean.
Semafeko iturrietatik azaldu dutenez, enpresak "bere jarrerari eusten dio", eta "ez du proposamenik" aurkeztu aurrera egiteko, ia lau ordu iraun zuen bileran.
"Ez digute eskatzen dugun ezer eman", gaineratu dute, eta "gatazkarekin aurrera jarraitzera behartuta" daudela. Oraingoz ez dute beste hitzordurik jarri.
Renfek, berriz, adierazi du elkarrizketarako prest dagoela oraindik, eta sindikatuek bilera gehiago egitea espero duela, desadostasunak eta grebak bere horretan jarraitzen duten arren.
Espainiako Sustapen Ministerioak % 75eko zerbitzu minimoa ezarri du aldirikoetan, ordu jendetsuenetan, eta % 50ekoa gainontzean.
Ekainaren 10ean eta 12an egindako lanuzteek 300.000 bidaiariri eragin zieten, aldirien erabiltzaileei bereziki.
Gaurko eta ekainaren 16rako aurreikusitako greba egunez gain, makinistek beste hiru egunerako deitu dituzte lanuzteak: ekainaren 24an, 29an eta uztailaren 1ean.
Semafek uste du konpainiak ez duela berme nahikoa eskaintzen itundutako enplegu plana betetzeko, eta ez duela merkantziak trenez garraiatzeko apustua egiten.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.