EAE balizko negozioak bilatzen ari da Washingtonen, energia-sektorean
Washingtonen azken egunotan izandako ekonomia-harremanetan, "aukerak" zabaldu dira energia-sektorean, Arantza Tapia Ekonomiaren Garapen eta Lehiakortasunaren sailburuaren iritziz. Hainbat euskal enpresak eta agintarik izan dituzte bilerak tokiko zenbait erakunderekin.
Washingtonen egindako balantzean, Eusko Jaurlaritzak izan duen agenda ekonomikoa aztertuta, sailburuak baloratu ditu energia-sektorean aritzen diren hainbat eragileren arteko kontaktuak; izan ere, Foru Aldundiak eta EAEko zenbait konpainia bertan daude, Euskadi protagonista baita Smithsonian Folklife festibal kulturalean.
Kazetariei aztertu dienez, Estatu Batuetan gasa jotzen dute "trantsizio-elementutzat"; izan ere, xedea da ekonomia petrolioan oinarritzetik energia berriztagarrietan oinarritzera. Zehaztu duenez, interesa dago AEBn saio-plataforma batzuengatik, hala nola Bimep olatuen energia aztertzen duen plataformagatik. Armintzan dago, Lemoiz udalerrian (Bizkaia).
Plataformak (itsas zabalean dagoen eta sare elektrikorako lotura duen lehena da Estatuan) helburu zehatza du: enpresa pribatuek olatuen energia baliatzeko euren gailuak probatzeko aukera izatea, argindarra egiteko.
Lizitazio publikoa Estatu Batuetan
Sailburuaren esanetan, AEBn interesa sortu dute Armintzakoa bezalako plataformek; izan ere, "itsasoaren energiarekin zerikusia duten produktuak lan egin daitezke bertan". Hala, Estatu Batuetan ere aipatuaren antzeko plataforma jarri nahi dute. Tapiak zehaztu duenez, lizitazio publikoa izango da Estatu Batuetan, eta euskal enpresak aukera izango dute proiektuan parte hartu ahal izango duten unibertsitateekin bat egin eta laguntza emateko.
Haren esanetan, nabarmentzekoa da Estatu Batuetan "kontuan izateko esperientziatzat jotzen gaituztela", bai eta "ezagutza emateko" aukera dagoela. Azaldu duenez, horren gainean hitz egin duten bileran adostasun-maila ona lortu zuten: "Hemen, parte har dezakegu eta lan egin ahal dugu", aseguratu du.
Harremanak, sektore aeronautikoan
Sailburuak nabarmendu ere nabarmendu du zer-nolako kontaktuak abiatu diren sektore aeronautikoan. Zehaztu duenez, Aernova eta Egamaster enpresek topaketa izan dute AEBko aire- espazio- industrietako elkartearen ordezkariekin, eta azken hauek esan zioten interes handiz egingo dietela harrera baldin eta ekoizten badute bideo batean aurkezten zuten moduan.
Halaber, Aernovak bilera izan du NASAko kideekin; sailburuaren iritziz, "interesgarria" izan da topaketa.
Balantze ona, Markel Olano eta Ramiro Gonzalezen esanetan
Markel Olano eta Ramiro Gonzalez Gipuzkoa eta Arabako ahaldun nagusien esanetan ere, azken egunotako euskal agenda positiboa izan da erakundeentzat.
Olanok gogorarazi du Gipuzkoak helburua duela nazioartean duen presentzia areagotzea. Gonzalezek azpimarratu du Arabako ekonomiak asko esportatzen duela; izan ere, ekoizpenaren % 56 esportatzen du. Bere iritziz, "kanpoko merkatuak ez bestek emango die enpresei hazteko aukera".
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".