Washington, euskal kulturarentzat erakusleiho
Euskadik bere burua aurkeztuko du gaur AEBen, Washingtoneko Smithsonian Folklife jaialdian parte-hartzea aprobetxatuz. Ohitura eta modernitatearekin amerikarrak zur eta lur utzi nahi ditu, eta bide batez turistak erakarri eta EAEko enpresei negozio bide berriak zabaldu.
Washingtoneko erdigunean, AEBeko hiriburuaren National Mallen, Euskal Herriaren erakusleiho bat eraiki dute; plaza, pilotaleku, portu, euskaltegi, baserri eta guzti, Smithsonian Folklife jaialdiaren markoan. Munduko kulturen jaialdi handia ekainaren 29tik uztailaren 4ra eta uztailaren 7tik 10era egingo dute.
Jaialdira gonbidatu duten Europa hegoaldeko lehen eskualdea izan da Euskadi. Jaialdiak milioi bat bisitari baino gehiago hartzen ditu, baina 40 milioi lagun baino gehiagok online jarraitzen dute.
Aukera bat
Horregatik, Euskadi AEBen ezagutzera emateko aukera paregabe bat bezala ikusten dute EAEko erakundeek.
Proiektuaren alderdi kulturalaz gain, bisitariak euskal musika, gastronomia, literatura, dantza, kirola eta hizkuntzarekin harremanetan jarriko ditu jaialdiak. Bidaiak alderdi ekonomikoa ere badu; izan ere, AEBeko eragile ekonomikoekin bilduko dira EAEko buruzagiak.
"Erakusleihoa aprobetxatuko dugu (…) gure kulturan, nortasunean, hizkuntzan, azken finean, gurean sakontzeko… eta baita gure gaitasun industrial eta teknologikoa erakusteko ere", azaldu zuen Arantxa Tapia Eusko Jaurlaritzako Garapen Ekonomiko eta Lehiakortasunerako sailburuak.
Aldundietako eta Eusko Jaurlaritzako arduradunak AEBera joango dira, baita enpresetako eta euskal kulturako 30 bat ordezkari ere, besteak beste, Kepa Junkera trikitilaria, Joaquin Achucarro piano-jolea, Lucia Lacarra dantzaria, Andoni Luis Aduriz sukaldaria eta Juan Ignacio Vidarte Guggenheim Bilbao Museoko zuzendaria.
Washingtoneko Smithsonian Folklife. Argazkia: EiTB
Diaspora
AEBen euskal herritarren presentzia aspaldikoa dela gogorarazi du Tapia sailburuak. "Diaspora ugari bertan" dagoela gaineratu du.
Azken lau urteetan, EAEko esportazioen hirugarren helburua da, Frantzia eta Alemaniaren atzetik. Era berean, Euskadiko inbertsioen lehen helburua da atzerrian (2000-2015).
Sailburuaren hitzetan, Iparramerikako merkatuan Euskadi helburu turistiko bezala sendotzea da asmoa, "hazkunde gaitasun oso handia duelako".
Azken bost urteetan, turista amerikarren bisitek % 45 gora egin dute Euskadin, Basquetour turismo agentziaren arabera.
Tapiaren ahotan, euskal gastronomia erakusteko "saiakera" berezia egingo dute, ’50 beste Restaurant’ ekitaldiaren "akuilua" aprobetxatuta; izan ere, Mugaritz, Asador Etxebarri, Azurmendi eta Arzak jatetxeak munduko onenen artean kokatu zituen aldizkariaren zerrendak.
Enpresa
Bestalde, ekainaren 27tik 30era Washington, Connecticut, Houston, Milwaukee eta Baltimoren bilerak egingo dituzte Euskadiko enpresen zuzendariek.
Energiak agendaren zatirik handiena bereganatuko du, energia berriztagarri, sare elektriko adimendun (Smart grids) eta petrolio eta gasean oinarritutako bilerekin.
Sailburuaren esanetan, energia berriztagarrien esparruan, eolikoak "hazkunde ahalmen handia" du AEBen, baita "off-shore berriztagarriek ere, aukera asko dituztelako" bertan.
telako" bertan.Zure interesekoa izan daiteke
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko du Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.