Michelin lantegiko beharginek protesta egingo dute gaur
Michelin lantegiko enpresa-batzordeak bilera egin zuen atzo arratsaldean agiri bat adostu eta lanuztea eta elkarretaratzea deitzeko. Hala, beharginek protesta egingo dute lantegiko atearen aurrean 13:30etik 14:30era, beharginaren heriotza salatzeko.
57 urteko biktima igeltserotza lanak egiten ari zen multinazionalaren lantegian, Gasteizen, azpikontratatutako enpresa baten bidez.
Ezbeharra 13:00ak aldera gertatu zen, hildako langilea kutxatilak egiteko materialaren bila joan zenean.
Lekuko batzuek azaldu dutenez, sarea ez zegoen ongi jarrita eta baliteke hori izatea istripuaren arrazoia.
Hala eta guztiz ere, oraindik goiz da gertatutakoa zehatz jakiteko, eta Osalanek abian jarritako ikerketaren ondorioak itxaron beharko dira.
“Lehenbailehen”
Ezbeharraren arrazoiak ikertu eta erantzukizunak “lehenbailehen” argitzeko eskatu du enpresa-batzordeak.
Hildakoaren familiari eta lankideei elkartasuna adierazi die enpresa-batzordeak agiri batean. Biktimak Endu enpresan lan egiten zuen.
Langilea sare batzuetan harrapaturik aurkitu zutela azaldu du beharginen ordezkaritzak.
Azkenik, Gasteizko lantegian azpikontratek “baldintza eskasetan” lan egiten dutela ohartarazi du enpresa-batzordeak.
Hildakoaren senitartekoei eta lankideei “babes eta elkartasuna” agertu die CCOO sindikatuak agiri batean.
Era berean, arriskuak prebenitzeko ardura duten eragile guztien inplikazioa eskatu du sindikatuak, “lanpostuetan hildako beharginen zerrenda onartezina” luzatzen jarraitzea eragozteko.
Beste elkarretaratze bat, asteazken honetan
Bestalde, ELA, LAB, Steilas eta Hiru sindikatuek beste elkarretaratze bat deitu dute asteazkenerako, 12:00etan Arabako hiriburuko Posta plazan, "Lan istripu gehiagorik ez, Prekarietatea hiltzailea" lelopean.
Aurten EAEn eta Nafarroan 33 behargin hil direla gogorarazi du ELAk.
Prekarietatea, azpi-kontratazioa, behin-behinekotasuna, lan erritmoak eta segurtasun neurrien gabezia “istripuetan eragin zuzena” dutela salatu du sindikatu abertzaleak.
Krisi ekonomikoak arazoak “areagotu” dituela ohartarazi du, “orain sekula baino gehiago” enpresek “produktibitateari eta mozkin ekonomikoei lehentasuna ematen dietelako”.
Gainera, Administrazioaren jarrera “pasiboa” salatu du; izan ere, “irregulartasunak” onartu eta “inolako jarraipen eta kontrolik” ez du egiten.
Toña: “Langilearen heriotza kolpe latza da”
Lan istripuetako heriotzak “oso kolpe gogorrak” direla esan du Angel Toña Eusko Jaurlaritzako Enplegu sailburuak.
Behin-behineko langile bat ez zela goraipatu du Toñak. Hildakoak lanean denbora zeramala erantsi du sailburuak. “Zoritxarrak ezbeharra eragin du”, azaldu du.
Sailburuaren hitzetan, behin-behineko txosten baten arabera, langilea kutxatila bat konpontzen ari zenean gertatu zen istripua. Antza denez, haga astun bat ateratzen saiatu zenean, desorekatu eta palankak behargina kolpatu zuen.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.