AFAPNAk ez du Nafarroako Hezkuntzako LEPko epaia betetzea eskatuko
AFAPNA sindikatuak ez du Nafarroako Hezkuntzako Lan Eskaintza Publikoko (LEP) euskarazko 100 lanpostuak bertan behera utzi zituen Nafarroako Justizia Auzitegi Nagusiak emandako epaia betetzea eskatuko. Beraz, bestelako helegiterik edo urratsik ez badago, "inork ez du ondoriorik jasango".
Lan Eskaintza Publikoan postua lortu zutenei lasai egoteko esan die, helegiteak jarrita ere "ezin baitzaio postua kendu lanpostua enplegu deialdi publiko batean lortu duenari", sindikatuaren esanetan. Hala ere, Foru Gobernuak epaiaren kontrako helegitea jarriko balu, "ziurgabetasun juridikoa" eragin dezakeela ohartarazi du; izan ere, prozesuak hainbat urte iraun dezake epai berria izan arte.
Sindikatuak azpimarratu duenez, ez du onartuko ehun lagunek beren lanpostua galtzea "Hezkuntza Departamentuak arduragabekeriaz eta irizpide politikoz jardun duelako". Gainera, Juan Carlos Laboreo AFAPNAko presidenteak azpimarratu du epaiak doktrina balioa duela.
Yolanda Erron AFAPNAko Hezkuntza arduraduna eta Esmeralda Landa aholkulari juridikoa alboan zituela, Nafarroako Justizia Auzitegi Nagusiaren epaiaren inguruko balorazioa egin du Juan Carlos Laboreok. Bertan azaldu duenez, epaia Jose Luis Mendoza Hezkuntza kontseilariarekin eta Maria Jose Beaumont Lehendakaritzako, Funtzio Publikoko, Barneko eta Justiziako kontseilariarekin aztertu nahi du etorkizunera begirako konponbideak bilatzeko.
Laboreoren esanetan, egoera ez errepikatzeko balio beharko luke epaiak. "Pilota Gobernuaren teilatuan dago orain", erantsi du.
Bestalde, sindikatuaren aholkulari juridikoa prozesua dagoen tokian uztearen alde agertu da. Beraz, sindikatuak ez du helegiterik jarriko, ezta betearaztea eskatuko ere.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.