Langabeziak gora egin du otsailean EAEn; behera, Nafarroan
Urtarrilean baino 346 langabe gutxiago zenbatu dituzte otsailean Euskal Autonomia Erkidegoan (EAE) eta Nafarroan, bi erkidegoetan langabeziak joera ezberdina izan arren. Izan ere, EAEn % 0,10 egin du gora langabezia tasak, eta % 1,27 egin du behera foru erkidegoan, Espainiako Enplegu eta Gizarte Segurantza Ministerioak gaur emandako datuen arabera.
Hain zuzen ere, 139.223 lagun zenbatu dituzte otsailean EAEko enplegu bulego publikoetan izena emanda, urtarrilean baino 146 gehiago. Nafarroan, 522 pertsonak lortu dute lanposturen bat, baina 40.720 pertsona daude oraindik langabezian.
Urte arteko datuari erreparatuta, 2016ko otsaileko datuekin alderatuta, bi erkidegoetan behera egin du langabeziak: % 9,92, EAEn (15.332 langabe gutxiago), eta % 9,70, Nafarroan (4.376 langabe gutxiago).
Gizarte Segurantzaren afiliazioari dagokionez, gora egin du bi erkidegoetan, igoera apala izan bada ere: % 0,27koa EAEn (918.543 pertsona, 2.441 gehiago), eta % 0,64, Nafarroan (263.801 pertsona, 1.672 gehiago).
Lurraldeka
Lurraldeka, Nafarroan eta Araban bakarrik jaitsi da langabezia. Foru erkidegoan, 346 langabe gutxiago daude (% 1,27, 42.720 pertsona langabezian), eta Araban, 190 gutxiago (% 0,83 %, 22.593 langabe). Langabeziak gora egin du Gipuzkoan eta Bizkaian. Lehenengoan, 19 pertsonak eman dute izena Lanbideren bulegoetan (guztira, 37.848 langabe); Bizkaian, 317k (78.782 langabe).
Hego Euskal Herrian langabezian dauden 179.943 lagunetatik 99.255 emakumeak dira, eta 89.968 gizonak. 12.810ek 25 urte baino gutxiago dituzte.
Sektoreka, langabeziak behera egin du Eraikuntza eta Industrian, eta Nekazaritzan, gora. Zerbitzuen sektoreak joera ezberdina izan du EAEn eta Nafarroan: gora egin du Euskadin (162 langabe gehiago), eta behera, Nafarroan (433 langabe gutxiago).
Estatuan, 9.355 langabe gutxiago zenbatu dituzte otsailean. Guztira, 3.750.876 lagun daude langabezian. Iazko datuekin alderatuz gero, % 9,68 jaitsi da langabezia tasa.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.