Kontuen inguruan PPrekin 'hurbilketa' bat dagoela aitortu du Erkorekak
Josu Erkoreka Eusko Jaurlaritzako bozeramaileak gaur adierazi duenez, oraingoz ez dute inorekin EAEko Aurrekontuei buruzko akordioa lortu, baina PPrekin "gertutasun" bat dagoela eta hurbilketa hori etorkizuneko akordio baten atarikoa izan daitekeela aitortu du.
Eusko Jaurlaritzaren gobernu bileraren osteko agerraldian, 2017ko aurrekontu proiektua onartzeko asmoz abiatutako bilera erronda hizpide izan du. Bigarren bilera erronda gaur arratsaldean amaituko da Pedro Azpiazu sailburuaren eta EH Bilduko ordezkarien arteko batzarrarekin.
Ahalik eta akordio "zabalena eta inklusiboena" lortzeko Eusko Jaurlaritzak egindako "ahalegin ikaragarria" nabarmendu du Erkorekak, eta bigarren bilera sorta amaitutakoan Pedro Azpiazu Ogasun eta Ekonomia sailburuak batzarren inguruko balorazioa egingo duela iragarri du.
Bilera sorta amaitu arte "behin betiko balorazioak" egitea ez duela gustuko azpimarratu du, falta den bilera horretan "elkartze" bat egon daitekeela iritzita. "Ez da aukerarik baztertu behar", gaineratu du.
Nolanahi ere, ez dagoela ezer itxita eta ez duela inorekin akordiorik lortu adierazi du. Erkorekaren esanetan, Eusko Jaurlaritzak ez dio inorekin akordioa lortzeari aterik itxi, baina "errealismoz eta erantzukizunez" jokatzeko eskatu die talde parlamentario guztiei.
Oraingoz akordiorik lortu ez badute ere, Gobernuko ordezkariek eta PPko kideek atzo izandako bilera "ulermen giroan" gauzatu zela azaldu du Erkorekak.
Elkarrekin Podemosek osoko zuzenketa aurkeztuko dio Jaurlaritzaren aurrekontu proiektuari
Elkarrekin Podemosen esanetan, Eusko Jaurlaritzak Aurrekontuak PPrekin adostea erabaki du eta, hori dela eta, osoko zuzenketa aurkeztuko dio Jaurlaritzaren 2017ko aurrekontu proiektuari.
Lander Martinez Elkarrekin Podemosek Eusko Legebiltzarrean duen bozeramaileak azaldu duenez, koalizioak ez du bere burua negoziaziotik kanpo utzi; aitzitik, Eusko Jaurlaritzari egotzi dio balizko adostasunari ateak ixtea.
EH Bilduk ez dio bere babesa emango aurrekontu proiektuari
EAEko Aurrekontuei buruzko akordioa bilatzeko Eusko Jaurlaritzak "Alderdi Popularra bidaide aukeratu" duela esan du astearte honetan Maddalen Iriarte EH Bilduko bozeramaileak. Arrazoi horregatik, EH Bilduk ez diola aurrekontu proiektuari babesik emango jakinarazi du.
Pedro Azpiazu Ogasun eta Ekonomia sailburuarekin bilera egin ostean Iriartek adierazi du Jaurlaritzak erabakita duela PPrekin kontuak negoziatzea. Ildo horretatik, Urkulluren Gobernuak gehiengo sozialari bizkarra eman diola kritikatu du.
Era berean, Jaurlaritzaren erantzuna eskasa izan dela azpimarratu du Iriartek. Jaurlaritzaren eskaintza 25 milioi eurokoa izan da “bakarrik”, hau da, aurrekontuen % 0,2ri dagokiona. EH Bilduren bozeramailearen esanetan, diru hori ez da nahikoa euskal herritarren ongizatea bermatu ahal izateko.
Halaber, aurrekontuei buruzko akordioa bilatzeko orduan “euskal herritarrei bizkarra emanda” Alderdi Popularra aukeratu izana kritikatu du Iriartek. Gauzak horrela, EAEko Aurrekontuei buruzko akordioa negoziatzeko orduan Madrilen "mahai paralelo" bat egon dela uste du EH Bilduko legebiltzarkideak.
Beste alde batetik, Eusko Jaurlaritzak bigarren bilera-errolda amaitutzat eman eta Aurrekontuen proiektua aurkezten duenean bere alderdiak osoko zuzenketa aurkezten duen erabakiko duela iragarri du Iriartek.
EH Bilduk ELAk esandakoari men egin diola salatu du
EAJk deitoratu duenez, EH Bilduk ELAren xantaiari men egin dio eta horregatik erabaki du Euskadiko aurrekontuak ez negoziatzea. "ELAko buruzagiek egindako adierazpenak Ezker Abertzaleari xantaia egiteko baino ez dira", esan du Andoni Ortuzar EBBeko presidenteak.
Ortuzarrek EAJren Facebook orrian adierazitakoaren arabera, EH Bilduk "Euskadiko aurrekontuen politika baldintzatzeko" aukera zuen arren, Txiki Muñozek interesei jaramon egin die". "Nahiago dute funtsik gabeko hitzei kasu egin, krisi ekonomikoa gainditu eta Herrialdea eraiki baino", gaitzetsi du Ortuzarrek.
du Ortuzarrek.Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.