Abian da hegaluzearen arrantzaldia Bizkaian eta Gipuzkoan
Antxoaren denboraldia amaituta, euskal arrantzaleek hegaluzearen arrantzaldiari ekin diote gaur. Eusko Jaurlaritzako Ekonomiaren Garapen eta Azpiegitura sailak ohar bidez jakitera eman duenez, Bizkaiko eta Gipuzkoako 80 itsasontzi aterako dira itsasora datozen egunotan, hegaluzea harrapatzera. 850 arrantzalek egingo dute lan kanpaina honetan.
Leku batetik bestera mugitzeko ohitura bereziak izan ohi dituen espeziea da hegaluzea, eta, beraz, harrapaketa aurreikuspenak egitea zaila dela esan du Jaurlaritzak. Azken bi urteotako kanpainei erreparatuta baina, "baikor egoteko arrazoiak" daudela ziurtatu du Arantza Tapiak zuzentzen duen sailak. Iaz utzi zituen hegaluzearen kanpainak azken urteotako daturik onenak, 6.000 tona inguru harrapatuta, 2015ean baino % 20 gehiago.
Prezioak ere gora egin zuen 2016an, aurreko urteko datuekin alderatuta; hegaluze kiloa 3,79 euroan saldu zen lonjan, 2015ean baino 36 zentimo garestiago. Hala, joan den urtean, orotara, 23,3 milioi euro bildu zituzten euskal arrantzaleek hegaluzearen kanpainan, duela bi urte baino % 33,3 gehiago. Iaz, beraz, hegaluzea izan zen Gipuzkoako eta Bizkaiko arrantzaleen diru iturri nagusia.
Eusko Label bereizgarria
Euskal arrantzaleek harrapatutako hegaluzea Eusko Label bereizgarriarekin merkaturatzearen alde egin du Eusko Jaurlaritzak, eta bide horretan lan egiteko konpromisoa berretsi du.
Banan-banan eta sarerik gabe, arrantzarako teknika tradizionalak erabilita, harrapatutako hegaluzea da Eusko Label bereizgarria eramaten duena.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.