Kamioientzako bidesariaren lehen arkua jarri dute Irunen
Gipuzkoako Foru Aldundiak asteburu honetan jarri du AT sistemadun lehen arkua Irunen. Lan horiek direla eta, AP-8 autobidea itxita egon da ordu batzuetan, bi norabideetan. Zehazki, Irundik Lapurdirako norabidean, 22:00etatik 09:00etara eten dute trafikoa. Era berean, 00:00etatik 04:00etara trafikorako itxita egon da Biriatutik Irunera joateko errepidea. Asteburu honetan jarri duten egitura horrek 30 metro inguruko luzera eta 16 tonatik gorako pisua du.
Gipuzkoako Foru Aldundiak azaldu duenez, arkuan matrikulak irakurtzeko eta argi infragorriz ibilgailuaren jarraipena egiteko hamabi kamera jarriko dira (norabide bakoitzean sei), eta TAGak irakurtzeko eta ibilgailuak kokatzeko hamabi antena (noranzko bakoitzean sei). Halaber, ibilgailuak sailkatzeko ibilgailuen bolumena neurtuko duten sei neurgailu izango ditu (hiru, norabide bakoitzean).
Irunen gaur hasi dituzten lanak amaitu ondoren, abuztuaren azken astean Etzegaraten jarriko dituzte arkuak. Halaber, Andoainen ere jarriko dituzte arkuak, irailean.
Ildo horretatik, Aintzane Oiarbide Gipuzkoako Bide Azpiegituretako diputatuak azaldu du errepideetan egiten den “mozketa orok eragozpenak” sortzen dituela, baina zirkulazioan “ahalik eta eragin gutxien izateko” egun eta ordu hori aukeratu dutela ziurtatu du. Gainera, Oiarbidek esan duenez, “behar bezala seinaleztatuko dira bai autobideko mozketa, baita desbideratzeak eta hautabideak ere”.
Oiarbidek azaldu duenez, mantentze lanak zirkulazioan eraginik izan ez dezaten “lanak goiko aldetik egiteko aukera eskaintzen duen munduko lehen estruktura” da. Hala, aurreikusitako epeak betetzen badira, urrirako arku guztiak egongo dira jarrita. Orduan, “martxa zuria” edo doako probaldia hasiko da. Aldi horrek AT sistema abian jarri arte iraungo du, 2018ko urtarrilera arte, hain zuzen ere.
Tarifak oraindik ezin dituzte zehaztu, datorren hilean Bruselako arduradunekin azken bilera izan arte, baina hamabi tonarainoko kamioiek gehienez bost euro ordainduko dute, Irun eta Etzegarate bitarteko zatia erabiltzeagatik. Dena dela, gipuzkoarrek ez dute ezer ordainduko.
Gipuzkoako Bide Azpiegituretako diputatuak nabarmendu duenez, Europako agindua betetzeko jarri dute kamioientzako ordainpeko bidesari sistema berria. Ildo horretatik, kanpotik datozen ibilgailu astun guztiek N-1eko mantendua eta inbertsioak ordainduko dutela esan du Oiarbidek.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.