Langabeziak behera egin du EAEn uztailean; gora, Nafarroan
Hego Euskal Herrian, 202 langabe gutxiago zenbatu dituzte 2017ko uztailean, ekaineko datuekin alderatuta. Guztira, 167.005 pertsona daude lan gabe Euskal Autonomia Erkidegoan eta Nafarroan.
Euskal Autonomia Erkidegoan (EAE) Lanbiden izena emanda dauden langabeen kopuruak behera egin du bosgarren hilabetez jarraian; zehazki, ekainean baino 397 pertsona gutxiago zenbatu dituzte lanik gabe uztailean (% 0,30 gutxiago). Guztira, 130.872 pertsona daude lanik gabe.
Espainiako Gobernuaren Enplegu Ministerioak gaur emandako datuen arabera, iazko uztaileko datuekin alderatuta ere, behera egin du langabeziak EAEn: 10.592 langabe gutxiago daude (% 7,49).
EAEn, Gizarte Segurantzan izena emanda dauden pertsonei dagokienez, kopuruak behera egin du uztailean, ekainean baino 2.427 pertsona gutxiago baitaude lanik gabe (% 0,26 egin du behera).
Nafarroan, 195 pertsonak galdu dute lanpostua, eta aurreko hilabeteko datuekin alderatuta, % 0,54 hazi da langabezia, Enplegu Ministerioaren datuen arabera.
Beraz, guztira 36.133 langabe daude foru erkidegoan, iazko uztailean baino 3.473 gutxiago (% 8,77).
Espainiako Estatuko datuei dagokienez, uztailean % 0,80 jaitsi da tasa (26.887 pertsona), 2017ko ekaineko datuekin alderatuta. Estatuan, 3.335.924 pertsona daude lanik gabe; azken zortzi urteetako kopururik txikiena. Bestalde, ekaineko datuekin alderatuta, Gizarte Segurantzan 56.222 pertsona gehiago daude izena emanda, guztira 18.489.329 langabe baitaude.
Albiste gehiago ekonomia
Statkraftek proiektatuta zegoen parke eolikoaren ingurumen-inpaktu adierazpen negatiboa kritikatu du
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.