Langabeziak gora egin du abuztuan EAEn, eta behera Nafarroan
EAEko enplegu zerbitzu publikoek uztailean baino 2.338 langabe gehiago zenbatu dituzte abuztuan, 133.210 pertsona zenbatu baitituzte langabezian, % 1,79 gehiago. Nafarroan, aldiz, % 0,5 egin du behera langabeziak, 35.951 zenbatu baitituzte.
Gizarte Segurantza eta Enplegu Ministerioak gaur, astelehena, argitaratutako datuen arabera, 9.904 langabe gutxiago daude EAEn, 2016ko abuztuarekin alderatuta; hau da, urtebetean, % 6,92 jaitsi da, Espainian baino gutxiago (% 8,52).
Nafarroari dagokionez, 2.948 langabe gutxiago zenbatu dituzte aurtengo abuztuan, iazkoarekin alderatuta. Urtebetean, hortaz, % 7,58 jaitsi da Foru Erkidegoan.
Espainiako datuei begiratuta, aurreko hilabetean baino 46.400 langabe gehiago zenbatu dituzte abuztu bukaeran. 2011tik urtebetean izandako igoerarik handiena izan da aurtengoa, eta 3.382.324 langabe zenbatu dituzte guztira.
Afiliatuak Gizarte Segurantzan
Hego Euskal Herrian 11.959 afiliatu gutxiago izan dira abuztuan Hego Euskal Herrian, baina baloreak positiboak izan dira, urtetik urterako tartea kontuan hartuta.
EAEn, 919.073 afiliatu zenbatu dira abuztuan, hau da, uztailean baino 11.945 gutxiago (% 1,28).
2016ko abuztutik aurtengora, aldiz, Gizarte Segurantzak 17.475 afiliatu gehiago ditu EAEn, % 1,94 gehiago.
Nafarroan, 14 pertsona gutxiago daude Gizarte Segurantzan, % 0,01 gutxiago, hain zuzen. Guztira, 271.595 afiliatu daude Foru Erkidegoan, iazko abuztuan baino 7.583 gehiago. Bestera esanda, % 2,87 egin du gora afiliatu kopuruak han.
Urkullu: 'Ez da ezohikoa'
Iñigo Urkullu lehendakariaren esanetan, "ez da ezohikoa" Lanbiden zenbatutako langabeen kopuruak gora egitea abuztuan, eta "joerari erreparatu behar diogu", erantsi du. Horren harian esan duenez, "gaur duela urtebete baino 10.000 langile gehiago ditugu; duela bi urte baino 22.000 gehiago eta duela hiru urte baino 36.000 gehiago".
Radio Euskadin egindako elkarrizketa batean lehendakariak azaldutakoaren arabera, langabeziak abuztuan izan duen gorakadak "ez dio inola ere % 10eko tasara heltzeko helburuari eragingo".
Urkulluk nabarmendu du ez dituela "inoiz arazoak" ezkutatu, eta hileko datuei begiratu beharrean joerei erreparatu behar zaiela azpimarratu du. "Ez da ezohikoa" abuztuan langabe gehiago egotea, "lanpostu hobea bilatu" edo lehen aldiz izena ematen dutelako.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.