Iruñea eta Frankfurt arteko hegaldiak abian dira
¿Iruñea eta Frankfurt lotuko dituzten hegaldiak izango dituzte astelehen honetatik aurrera Noaingo aireportuan.
Astean lau hegaldi izango dira Frankfurt eta Noain artean; astelehen, asteazken, ostiral eta igandeetan.
Lehena 09:45ean aterako da Frankfurtetik, eta 11:45ean helduko da Noainera. Iruñetik, berriz, 12:30ean aterako da, eta 14:40an helduko da Alemaniara.
Hegaldi horietarako txartelak salgai daude jada, 150-200 euro artean.
Aurrerantzean, beraz, Iruñetik Europako aireportu garrantzitsuenetakoa den Frankfurtera ere joateko modurik izango da.
Hegaldi berriko tripulatzaileak. Argazkia: Aritz Agirre | Euskadi Irratia
Autobus zerbitzu berria aireportura
Hegaldi horiek abiatzearekin batera, Iruñeko mankomunitateak autobus ibilbide berria jarri du martxan astelehen honetan, Renfe geltokia, autobus geltokia eta hirigunea aireportuarekin lotzeko.
Nafarroaren ekonomia eta turismoarentzat aurrera pausua
Carsten Hoffman Espainiako eta Portugalgo Lufthansa taldeko ordezkariaren hitzetan, "gelditzeko heldu gara Nafarroara".
Manu Aierdi Foru Gobernuko Garapen Ekonomikorako lehendakariordearen esanetan, berriz, Nafarroaren ekonomia eta turismoarentzat aurrerapauso estrategikoa da. Izan ere, zuzeneko hegaldi horiek Nafarroako enpresen lehiakortasuna hobetuko dute, Alemania eta Europako finantzen erdigunearekin lotura zuzena eskainiz.
Era berean, turistek zuzenean Iruñera etortzeko aukera izango dute, eta iruindarrei ia mundu osorako hegaldiak hartzeko aukera erraztuko zaie Frankfurteko atea zabalduta.
Bestalde, Alberto Garcia Noaingo aireportuko zuzendariak azaldu duenez, "enpresa asko arrazoi profesionalengatik etortzen dira eta horiei eskaini nahi dizkiegu hegaldiak; hala ere, bidaiarientzat ere oso leku erakargarria izan daitekeela uste dugu".
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.