Euskara ikasteko diru-laguntzak % 44 areagotu nahi ditu Kultura Sailak
Datorren urtean euskaltegietan euskara ikasteko diru-laguntzak % 44 areagotzeko asmoa du Kultura eta Hizkuntza Politika Sailak. Bingen Zupiriak zuzendutako Sailak “pauso sendoa” eman nahi du, legealdi honetan B2 mailara arte euskara ikastea doakoa izatea lortzeko helburuarekin.
Eusko Legebiltzarraren batzordean agerraldia egin du gaur Zupiriak, 2018ko aurrekontu-sail nagusien berri emateko. Kultura Sailak 250 milioi euroko aurrekontua izango du, 2017an baino % 3 gehiago.
Aurrekontu zatirik handiena EiTBren finantziazioak eramango du, 130,9 milioi euro, hain zuzen ere, 2017an baino % 3,8 gehiago; ondoren hizkuntza politikan 54,5 milioi inbertituko ditu Jaurlaritzak, aurten baino % 4,2 gehiago.
Ertzaintzaren 470 ibilgailu berritzeko 11 milioi xahutuko ditu Segurtasun Sailak
Bestalde, Segurtasun Sailak 11 milioi baino gehiago gastatuko ditu datorren urtean Ertzaintzaren 470 ibilgailu berritzeko. Horrela, 2017an zehar egindako ahaleginarekin batera, flota ia guztia berrituko dute.
Aurrekontu egitasmoaren berri eman du Estefania Beltran de Heredia Eusko Jaurlaritzako Segurtasun sailburuak Eusko Legebiltzarrean. Sailak 640 milioi euroko aurrekontua izango du, aurten baino % 2,3 gehiago.
Aurrekontuaren % 95 Ertzaintzaren programak eramango du, 608 milioi euro, hain zuzen ere; horietatik 489 milioi soldatak ordaintzeko erabiliko dituzte, eta 113 milioi funtzionamenduan.
Etxebizitza klandestinoak kontrolatzeko 10 pertsonako lantaldea osatuko du Turismo Sailak
Datorren urtean 400.000 euro bideratuko ditu Turismo, Merkataritza eta Kontsumo Sailak, aldi baterako lantalde bat sortzeko. Udalekin elkarlanean, turismorako erabiltzen diren etxebizitza klandestinoak kontrolatu eta ikuskatuko ditu 10 pertsonako lantaldeak.
Alfredo Retortillok zuzendutako Sailak, guztira, 38,3 milioi euroko aurrekontua izango du 2018an, aurten baino % 5,9 gehiago.
Sailburuak agerraldia egin du Legebiltzarreko batzordean, aurrekontu-sail nagusien berri emateko. Turismoak 15,2 milioi eramango ditu; Merkataritzak 14,6 milioi eta Kontsumoak 6,6 milioi.
209,9 milioi euro, Lan eta Justizia Sailak 2018an
Azkenik, Eusko Jaurlaritzaren aurrekontu proiektuak 209,9 milioi euro aurreikusten ditu Lan eta Justizia Sailerako. Erdia baino gehiago (% 57,7) funtzionarioen % 1,5eko soldata igoera, Itzarriren ekarpenak eta 2.900 pertsonaren antzinatasun eskubideak ordaintzera bideratuko ditu Exekutiboak.
Maria Jesus San Jose sailburuak azaldu duenez, Lan eta Justizia Sailak 209,9 milioi euroko aurrekontua izango du 2018an, aurten (209,1 milioi euro) baino % 0,4 gehiago.
Zure interesekoa izan daiteke
Etxebizitza sailburuak dio gehiago eraiki behar dela
EITB DATAk ezagutzera emandako datuak aztertu ditugu Denis Itxaso Etxebizitza eta Hiri Agenda sailburuarekin. Dioenez, etxebizitza gehiago eraiki behar da, baina horretarako lurzorua behar da. Epeak murriztea ere helburutzat jarri du sailburuak eta hiruzpalau urtean emaitzak ikusiko direla ziurtatu du.
Azken hamarkadan, nabarmen handitu da hipotekarako eskatzen dugun diru-kopurua: % 30 gehiago
Azken hamarkadan, etxebizitza ordaindu ahal izateko hipoteken zenbatekoak gora egin du Euskadin, Nafarroan eta Espainian. Izan ere, 2024. urtean azken hamarkadako markak hautsi ditugu.
Etxebizitzen eraikuntza gelditu den arren... Salerosketen kopurua zifra historikoetan dago EAEn eta Nafarroan
Euskadi 80ko hamarkadako erritmoan ari da eraikitzen, eta, hala ere, maximo historikoak gainditu ditu etxeen salerosketa-kopuruari dagokionez. Hori lortzeko, batez ere, bigarren eskuko etxebizitzen merkatua ari da mugitzen: saltzen diren etxeen % 85 ez dira berriak.
Nolakoak dira eraikitzen ari diren etxebizitza berriak?
Eraikitzen diren etxebizitzetatik zenbat dira babestuak? Eta, libreak? Zenbat dira ohiko etxeibizitzak? Eta zenbat daude bizilagunik gabe? Galdera horiek eta beste batzuek EITB Dataren azken txostenean dute erantzuna.
Alokairuak gora egin du Hego Euskal Herrian: sei etxetatik batean horrela bizi dira
EITB Dataren arabera, azken hamarkadan, Euskadin, Nafarroan eta Espainian alokairuan bizi diren etxebizitzen ehunekoa sei puntu inguru igo da.
Metro koadroa duela hamar urte baino % 35 garestiagoa da gaur egun Euskadin
Albiste honen barruan aurkituko duzun mapa interaktiboan, nabigatu dezakezu bizi zaren eremu funtzionaleko metro koadroaren prezioa zein den jakiteko: Donostiak jarraitzen du ranking horren buruan, eta ondoren datoz Getxo, Donostialdea eta Mungialdea.
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.