Egibar: 'Ez dago aurrekontuen gainean EAJrekin akordio lotzeko aukerarik'
Joseba Egibar Eusko Legebiltzarrean EAJ duen bozeramaileak adierazi duenez, 2018rako Estatuko Aurrekontu Orokorretarako "ez dago EAJrekin akordioA lotzeko aukerarik". Radio Euskadiko tertulia politikoan Egibarrek galdetu duenez, "Kataluniako prozesu independentistaren aurka bere makineria politiko eta judizial osoa abian jarri duen PPren Gobernuarekin, negoziaziorako zein tarte dugu?".
"Politikaz haratago doan auziak dira, eta horrek eskatzen du guztiok geure burua kokatzea eta, gutxienezko duintasun demokratikoa lortzeko lan egitea", azpimarratu du. Egibarren aburuz, "justo kontrako norabidean doa PP".
Bestalde, Iker Casanova EH Bilduren legebiltzarkideak erantzun dionez, "eduki ekonomikoen gainean negoziaziorako eskaintza" prestatuko du bere taldeak, "zintzotasunez", baina ohartarazi duenez, "bide berria egin nahi duela erakutsi behar du EAJk".
Gainera, Kataluniako auziaren inguruan, "disimulurik gabeko Estatuaren aliatu izatea" egotzi dio EH Bilduk lehendakariari, horren iritzian, "erantzukizunak" Kataluniako eta Espainiako Gobernuen artean banatu baititu. Hori dela eta, izan diren "kontraesanen aurrean, argi eta garbi" bere jarrera erakusteko eskatu dio Alderdi Jeltzaleari.
Lander Martinez Elkarrekin Podemoseko ordezkariak, berriz, Eusko Jaurlaritzari leporatu dio "negoziaziorako baldintzak zeintzuk diren azaldu ez izana"; Jose Antonio Pastor PSE-EEko legebiltzarkideak, ordea, laguntza eskatu die oposizioko alderdiei euskal aurrekontuen onarpenean.
Azkenik, Borja Semper PPko legebiltzarkideak esan du "informazioa" duela EAJren eta PPren arteko aurrekontuen gaineko negoziazioaren inguruan. Gainera, "akordioa egotea Euskadirako ona" izango litzatekeela azpimarratu du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.