Vuelingek laugarren hegazkin bat izango du Loiun, eta 40 lanpostu berri sortuko ditu
Vueling konpainiak laugarren hegazkin bat izango du Loiuko aireportuan 2018ko uda denboralditik aurrera. 180 eserlekuko Airbus berria martxoan iritsiko da Bilbora, udako denboraldiaren hasierarekin batera, eta Vuelingek Bilbon dituen beste hiru hegazkinen berdina da.
Konpainiak gaur azpimarratu duenez, laugarren hegazkin horri esker eserleku eskaintza nabarmen handituko du, maiztasunak eta ibilbideak moldatuko ditu, eta lehen eta azken orduan hegaldi gehiago eskainiko ditu.
Eskaintza handitzeaz gain, Vueling konpainiak 40 lanpostu berri sortuko ditu: 20 lanpostu zuzen (pilotuak eta tripulazioa, barne) eta zeharkako beste 20 (handling, mantentze eta aireportuko beste sail batzuetan).
Gaur egun, konpainiak Loiuko aireportuaren merkatuaren % 35 du, eta 19 ibilbide eskaintzen ditu.
2018ko uda
2018ari begira, Vueling konpainiak bere ibilbide nagusiak indartuko ditu. Bartzelonako lotunearen kasuan, egunean zortzi hegaldi eskaintzen jarraituko du, baina % 7 eserleku gehiago eskainiko ditu.
Kanariar Uharteetako eskaintzari dagokionez, Bilbo eta Tenerife iparraldea eta Bilbo eta Kanaria Handia egunero lotuko ditu (% 75 eta % 34 gehiago), eta Bilbo eta Lanzarote, ostera, astean lautan (% 35 gehiago).
Halaber, konpainiak Balear Uharteetarako eskaintza handituko du. Bilbo-Mallorca eta Bilbo-Menorca ibilbideetan egunean bi hegaldi izango dira. Ibizari dagokionez, berriz, % 16 eserleku gehiago eta egunean bi hegaldi eskainiko ditu martxotik urrira bitartean.
Andaluziako lotuneetan ere aldaketak izango dira. Abenduaren 1etik aurrera neguan ere Granadarako hegaldiak eskainiko ditu, astean hirutan. Halaber, Bilbo eta Sevilla (% 61 gehiago) eta Bilbo eta Malaga (% 9 eserleku gehiago) lotuko ditu egunean bitan.
Zure interesekoa izan daiteke
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.