Hego Euskal Herriko taxi-gidariak protestan, 'lehia bidegabea' salatzeko
Hego Euskal Herriko taxi-gidariek lau orduko lanuztea egin dute gaur, besteak beste Uber eta Cabify konpainien "lehia bidegabea" salatzeko. Taxilarien arabera, konpainia horien jarduera arautzeko legedia aldatzen ez bada, "taxiaren zerbitzu publikoa desegin" egingo da.
11:00etatik 15:00etara egin da lanuztea, Iruñean izan ezik; Nafarroako hiriburuan jaieguna dute gaur, San Saturnino edo San Zernin eguna dela eta, eta lanuztea 09:00etatik 13:00etara egitea erabaki dute bertako taxi-gidariek.
Nafarroan, AITAN taxilarien elkarteak eta Teletaxi San Ferminek lau orduko lanuztea babestu dute, alokairuko auto txoferdunen gorakadaren aurka protesta egiteko. Nafarroan VTC baimen bakoitzeko dagoeneko 7 taxi direla gogorarazi dute.
Nafarroatik Madrilera zenbait taxilari eta AITANeko presidentea joan dira manifestazio handi batean parte hartzeko.
Nafarroako Gobernuaren eta Iruñerriko Mankomunitatearen “eraginkortasunik eza” kritikatu du AITANeko presidenteak. “Zerbitzu publikoari babes irmoa” ez ematea leporatu die.
Borja Muson EAEko Taxilarien Federazioko presidenteak salatu duenez, baliteke urtebete barru Euskadin gidari eta guzti alokatzen diren autoen 500 lizentzia egotea. Horren arabera, 40 euro baino gutxiago ordaindu dira lizentzia horietako asko, legedian dagoen "hutsunea" baliatuta.
Egun, 3.000 familia inguru bizi dira Hego Euskal Herrian taxiaren sektoretik.
Milaka taxilari bildu dira Madrilgo protestan. Argazkia: EFE
Manifestazioa Madrilen
Milaka taxilarik manifestazioa egin dute Madrilen, Uber eta Cabify plataformek eskainitako alokairuko auto txoferdunen aurka protesta egiteko.
Besteak beste, “Legea betetzearen alde” eta “Espainiako Merkatu eta Lehia Batzordeari eta haren multinazionalei ez. Taxi zerbitzu publikoaren alde” zioten protestako pankartek.
Manifestazioa 11:00ak aldera hasi da Emperador Carlos V plazan, Atochako geltokitik gertu, eta bi ordu geroago bukatu da Canovas del Castillo plazan, Diputatuen Kongresutik hurbil. 30 taxi protestaren buruan izan dira.
Parte-hartzaileek erkidegoetako banderak eta kartelak eraman dituzte, besteak beste, “De la Sernaren dimisioa”, “PPk 100.000 lanpostu deuseztatu nahi ditu”, “Lehia desleialari ez” edo “Uberrek politikariak erosten ditu Europan” leloekin.
Ibilbidean, musika, klaxon eta petardoen hotsa nagusi izan da. “Rajoy, entzun, taxia borrokan dago” edo “Taxia baturik ez da sekula garaitua izango” oihukatu dute manifestariek.
Talde parlamentario ezberdinei zuzendutako dokumentu bat entregatu dute deitzaileek Diputatuen Kongresuan, VTC eta taxien arteko oreka ziurtatzeko proposamenekin.
Besteak beste, Uber eta Cabify enpresen jarduera erregulatzeko araudi zuzenagoa eskatzen dute taxi-gidariek. Horien esanetan, legeak araututako ratioa ez da betetzen, izan ere, alokatutako gidaridun auto bakoitzeko 30 taxi egon beharko lirateke.
Alderdiek egoera bideratzeko borondate politikorik agertzen ez badute, mobilizazio gehiago iragarriko dituztela esan dute taxilariek.
Zure interesekoa izan daiteke
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.