249 langabe gutxiago zenbatu dituzte martxoan Hego Euskal Herrian
Hego Euskal Herriko enplegu zerbitzu publikoek 249 langabe gutxiago zenbatu dituzte martxoan, Gobernu espainiarrak jakinarazi dituen azken datuen arabera.
Zehatz-mehatz, 71 pertsona gutxiago (-% 0,06) daude lan bila EAEn, otsailarekin alderatuta, eta 127.164 langabe daude guztira. Nafarroan, aldiz, 178 gutxiago (-% 0,49) daude, eta 35.910 dira langabeak.
Urte oso batean, hau da, 2017ko martxotik, 10.339 langabe gutxiago daude EAEn, hau da % 7,96 gutxiago, Espainiako batez bestetik (% 7,56) gora geratuta, Enplegu eta Gizarte Segurantzaz Ministerioaren esanetan.
Lurraldeka, Bizkaian 274 langabe gehiago izan dira martxoan, aurreko hilabetearekin alderatuta (% 0,37), baina 4.872 gutxiago 2017ko martxoarekin erkatuta (-% 6,22).
Gipuzkoan, 271 pertsona gutxiago (-% 0,81) hilabetean, eta 4.140 gutxiago urtebetean, hau da, % 11,05 gutxiago.
Araban, 74 lagun gutxiago (-% 0.36) zenbatu dituzte enplegu zerbitzu publikoek, aurreko hilabetearekin alderatuta, eta 1.981 gutxiago iazko epe berarekin alderatuta, % 8,84 gutxiago.
Langabe kopurua bere osotasunean hartuta, urteko hirugarren hilabetea igaro eta gero, 73.402 langabe zenbatu dituzte Bizkaian, 33.331 Gipuzkoan eta 20.431 Araban. Bestalde, 127.164 langabeetatik, 55.090 gizonezkoak dira eta 72.074 emakumezkoak. Halaber, 119.675 25 urtetik gorakoak dira eta, 7.489, beherakoak.
Foru Erkidegoari dagokionean, urtebetean 4.443 pertsona gutxiago daude langabezian, hots, -% 11,01.
Nafarroako 35.910 langabeetatik, 15.091 gizonezkoak dira eta 20.819 emakumezkoak. Bestalde, 3.295ek 25 urte baino gutxiago dute, multzo horretan oso parekatuta daude gizonezko eta emakumezkoak, eta 32.615 25 urtetik gorakoak dira, horietatik 19.186, emakumezkoak.
Estatua bere osotasunean kontuan hartuta, 47.697 langabe gutxiago izan dira martxoan, aurreko hilabetearekin alderatuta, langabe kopurua 3.422.551ean geratuta.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.