Plastikozko poltsak debekatuta egongo dira 2021etik aurrera
Espainiako Gobernuak plastikozko poltsak debekatuko ditu 2021etik aurrera. Horrez gain, derrigorrez ordaindu beharko dira dendetan 2018ko uztailaren 1etik, Isabel Garcia Tejerina Espainiako Nekazaritza, Arrantza, Elikadura eta Ingurumen ministroak ministroen kontseiluaren ostean emandako prentsaurrekoan azaldu duenez. Plastikozko poltsen debekua arautzeko Errege Dekretua onartu dute gaurko bilkuran.
Horrenbestez, 2021etik aurrera biodegradagarriak ez diren plastikozko poltsa arinak eta oso arinak debekatu egingo dira. Gainera, 2018ko uztailaren 1etik aurrera, plastikozko poltsa guztiak kobratu egingo dituzte dendetan, elikagaiak sartzeko oso arinak direnak izan ezik. Poltsaren lodieraren arabera, 5 eta 15 zentimo arteko prezioa izango dute.
Bitarteko urrats gisa, Garcia Tejerinaren esanetan, plastiko zatigarrizko poltsak debekatuko dituzte 2020ko urtarriletik aurrera, "bereziki kaltegarriak direlako". Gauza bera gertatuko da poltsa oso lodiekin, % 50ean birziklatutako plastikozkoak izan beharko baitira.
Errege Dekretuak sentsibilizazio kanpaina bat egitea ere aurreikusi du. Erabiltzaileei informazioa emateaz gain, ekoizle erregistro bat sortuko dute "helburuak nola betetzen diren ebaluatzeko".
12 minutuko erabilera eta 100 urte desegiteko
Neurri horien helburua "plastikozko hondakinik gabeko natura" izatea dela esan du ministroak. Bestalde, "plastikozko poltsen % 90 behin bakarrik" erabiltzen dela aipatu du: "12 eta 25 minutu arteko denbora tartean erabili eta gero, 100 behar dituzte desegiteko".
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).