Astelehenetik aurrera kamioilariek ez dute Zuastiko bidesaria ordainduko
A-15 autobidetik igarotzen diren kamioiek ez dute bidesaririk ordainduko datorren astelehenetik aurrera eta Belateko eta Almandozko tuneletako hobekuntza lanak egiten dituzten bitartean.
Nafarroako Gobernuak eta Audenasa enpresak adostutako hitzarmena da, N-121 errepideko trafikoa arindu eta Leitzarango A-15 autobidetik bideratzeko.
Azaroaren amaierara arte iraungo dute tunelak Europako segurtasun araudira egokitzeko lanek.
Hori horrela, Zuastiko bidesarian ordaintzen dituzten 1,5 eta 3,8 euro arteko tarifak aurreztuko dituzte kamioilariek. Txartel edo VIA-T bidez ordaindu beharko dute, dirutan egin beharrean, eta horren kostua, ia 700.000 eurokoa, Foru Gobernuak hartuko du bere gain.
Erabaki horrek bat egiten du Iruñea eta Irun arteko N-121-A errepideko trafiko astuna arindu eta arautzeko gainerako neurriekin, errepide hori baita Ipar euskal Herria eta Frantziarako biderik zuzenena.
Foru Gobernuak informazio kanpaina berezia jarri du martxan lau hizkuntzatan, mugaren bi aldeetan oihartzuna izan dezan.
Bertan gogorarazten dute astelehenetik aurrera kamioiek debekatuta izango dute Belateko mendate zaharretik igarotzea: aste batean soilik matrikula bakoitia dutenak igaro ahalko dira, eta bikoitidunak hurrengoan, baina biak aste berean ez. Gainera, 06:00ak eta 22:00ak bitartean soilik igaro ahal izango dira.
Gobernuak 4,9 milioi euro inbertituko ditu Belateko eta Almandozko tunelak Europako araudira egokitzeko.
Bi bazterbide berri eraikiko dira Belateko tunelean eta suaren aurkako kableatua eta likido toxikoak drainatzeko sistemak jarriko dira bietan.
Zure interesekoa izan daiteke
ELAk salatu du Bizkaiko Aldundiak iragarritako aldaketa fiskalek desberdintasunak sortzen dituztela langileen artean
Aldundiak beherapen fiskalak eskaini nahi ditu enpresak errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
AP-68 % 70 merkeagoa izango da autoentzako eta % 50 kamioientzako Araban
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "mantenurako eta modernizaziorako baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.