Senatuak PPren hiru zuzenketa baztertu ditu prozeduran akatsak egiteagatik
Senatuko Mahaiak baztertu egin ditu Alderdi Popularrak Estatuko Aurrekontuei aurkeztu dizkion 19 zuzenketetatik hiru, prozeduran akatsak egiteagatik.
Zuzenketa horietako batek EAJrekin adostutako inbertsio bati eragingo zion. Cidetec Donostian dagoen ikerketa aplikatuko erakundera 5,5 milioi euro bideratzea adostu zuten bi alderdiek eta PP inbertsio hori 2018ko Aurrekontuetatik kentzen ahalegindu da.
Horrenbestez, azkenean, Espainiako Gobernuak Euskal Autonomia Erkidegoan egin behar zituen inbertsioetara 29,5 milioi euro gutxiago bideratuko ditu, PPren asmoek aurrera eginez gero.
Guztira, Aurrekontuen Batzordeko Lantaldeak PPren 16 zuzenketa eta Partido Aragones alderdiaren beste 27 onartu ditu.
Pedro Sanchezen zentsura-mozioa babestegatik, PP "EAJ eta Euskadi zigortzen saiatu da", Maria Dolores Etxano senatari jeltzaleak egindako salaketaren arabera.
"Mendekua hartzeko nahiak bultzatuta eta azkarregi jokatzeagatik, PPko senatariek akatsak egin dituzte zuzenketa aurkezterakoan, okerrak konpontzen saiatu dira baina ez dute euren asmoa lortu", azaldu du.
"Legedia errespetatu da eta euskal herritarren interesak bermatuta geratu dira", azpimarratu du Etxanok.
Zure interesekoa izan daiteke
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Tubos Reunidosen greba gaur gauean hasiko da Amurrion, erregulazio txostenaren zain
Astelehen honetan bilduko da zuzendaritza bi lantegietako ordezkaritza sindikalarekin, eta enplegu-erregulazioko txostenaren berri emango dio.
Makinistek greba abiatuko dute, tren zerbitzuaren krisiaren ostean
Sindikatu nagusiek (CCOO, UGT eta Semaf) otsailaren 9ko, 10eko eta 11ko greba deialdiari eustea erabaki dute, Oscar Puente Garraio ministroarekin akordiorik lortu ez dutela ikusita.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".