Urkullu: 'PPk Aurrekontuen aurka egiten badu, mendekua hartzeko izango da'
EAJrekin adostutako inbertsioak aldatzeko Alderdi Popularrak Estatuko Aurrekontu Orokorrari zuzenketak aurkezten badizkio, "mendekua hartzeko ekintza" izango dela salatu du Iñigo Urkullu lehendakariak.
Urkulluk esan du Ciudadanosek bultzatu zuela Mariano Rajoyk Espainiako Gobernuko presidente kargua galtzea, hura babesten jarraitzeari uko egiten ziola iragarrita. Halaber, zehaztu du EAJk ez zuela inolako loturarik Espainiako Gobernuarekin, Estatuko Aurrekontuak onartu eta Espainiako Gobernuarekiko "leialtasuna" agertu arren.
Ildo horretan, lehendakariak jakinarazi du Pedro Sanchezekin hitz egin duela jada, harekin bilera bat egin nahi duela adierazteko eta EAJk Kongresuan "egonkortasunaren aldeko lana" egingo duela esateko, "presidentea edozein dela ere".
Ostiralean Rajoyrekin hitz egin zuela eta honek ez ziola ezer aurpegiratu esan du. Elkarrizketa horretan zentsura-mozioa babesteko EAJren arrazoiak zeintzuk izan ziren azalduk zizkion, eta gaur argudio horiek errepikatu ditu.
Lehendakariaren hitzetan, Rajoyren gainbehera 'Gurtel auzia'ren epaiak eta Ciudadanosek ordura arte emandako babesa kendu izanak eragin zuten. "Ciudadanosek babesa kentzen badio, nahikoa al da EAJren babesarekin? Ez, ez da nahikoa", azpimarratu du.
Gauzak horrela, Urkulluk esan du ez dela bidezkoa EAJri "traizioa" egin izana leporatzea, eta irakurketa hori egiten duenak PPren Gobernuaren porrotaren "benetako arrazoiak" ezkutatzen ari dela erantsi du.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.