Aurrekontuei zuzenketak aurkeztuko dizkie PPk, EAJrekin zuen ituna hautsita
Andrea Levy PPren Ikasketa eta Programetarako idazkariordeak aurreratutakoa baieztatu du gaur Rafael Hernando Kongresuko bozeramaileak. Alegia, Alderdi Popularrak hainbat zuzenketa aurkeztuko dizkiela Senatuan 2018ko Estatuko Aurrekontu Orokorrei, "hobetzeko asmoz". Lehen, EAJrekin zuten ituna tarteko, ezin zituzten aldaketa horiek proposatu, baina akordioa "hautsita" dagoenez, orain nahi dituzten moldaketak egiteko aukera dute.
Telecinco telebista katean egin dioten elkarrizketan azaldu duenez, Alderdi Popularrak ez du jada "EAJrekin harremanik" jeltzaleek "konfiantza hautsi" dutelako. Hala, "eskuak libre" dituzte Estatuko Aurrekontuak "hobetzeko" eta EAJrekin proposatu gabe geratu ziren hainbat gai sartzeko.
Zehaztapena egin du Hernandok: zuzenketek ez diote pentsioen igoerari eragingo. PPko bozeramailearen hitzetan, "gure nagusiak lasai egon daitezke, historikoa igoera handiena edukiko dute".
Hernandok nabarmendu duenez, Rajoyk bere lehen urtean, 2012an, egin asmo zituen Aurrekontuak dira 2018rako aurkeztu dituztenak, baina ezin izan zituzten une hartan proposatu, sozialistek "Espainia lur jota utzi" zutelako.
PPk gehiengo osoa du Senatuan, eta Aurrekontuak aldatzeko aukera du. Dena dela, edozein aldaketa Kongresuan berretsi behar da. Moldaketok atzera botatzeko zentsura-mozioa babestu zuten taldeen aldeko botoa eduki beharko Ganberak, eta tartean egon beharko luke Unidos Podemos ere (zalantzagarria da azken hori, Aurrekontuen kontra baitago alderdi morea).
Alderdi Popularrak astebetez atzeratu du Aurrekontuen eztabaida Senatuan
Alderdi Popularrak Senatuan duen gehiengo absolutua baliatuko du, Senatuan bihar egitekoa zen 2018ko Estatuko Aurrekontu Orokorrei buruzko eztabaida astebetez atzeratzeko.
Jose Manuel Barreiro talde popularrak Senatuan duen bozeramaileak prentsaurreko batean iragarri duenez, PPko senatariek bi eskari egingo dituzte: batetik, Aurrekontuei zuzenketa partzialak aurkezteko epea bost egunez luzatzea; bestetik, aurrekontu proiektuari buruzko eztabaida datorren astera arte atzeratzea.
Popularren esanetan, Pedro Sanchez Gobernu presidente berriak oraindik ministroak izendatu ez dituenez, ez dago Ogasun ministrorik, eta senatariek ez dute Aurrekontuak norekin eztabaidatu. Azpimarratu duenez, Ogasun ministroa Aurrekontuak azaltzera Senatura joatea derrigorrezkoa ez bada ere, orain arte Ogasun ministro izan den Montorok "aurpegia eman du beti", lehenik Kongresuan eta Senatuan gero.
Zuzenketa partzialak aurkezteko epea bost egunetan luzatzeko erabakia ere justifikatu du Jose Manuel Barreirok. Hasiera batean gaur arratsaldeko seietan amaitzen zen epea, baina PPk luzatzea erabaki du proiektuaren edukia "hobetzen saiatzeko". Gaineratu duenez, PPk aurkeztuko dituen zuzenketak "ez dira inoren kontrakoak izango, hiritarren aldekoak baizik". Hortik aurrera, iritzia ematea "besteei" dagokiela ohartarazi du.
PPrena ez den beste aurrekontu proiektu bat aurkezteko "gai ez izatea" aurpegiratu dio Barreirok Alderdi Sozialistari. "Lehen oso-oso-oso txarra orain oso-oso ona dela dirudi", kritikatu du.
EAJk popularrei "mendekuz" aritzea egotzi ostean, konpromisoa jeltzaleek hautsi zutela eta hori esatea "izugarrizko hipokrisia politikoa" dela adierazi du.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.