EAJk BiMEPen diru-laguntzen inguruan egindako eskaera atzera bota du Senatuko Mahaiak
PPk aurkeztutako zuzenketarekin, Biscay Marine Energy Platform (BiMEP) olatuen energia ikertzeko proiektuak ez du 2018ko aurrekontuetan aurreikusitako 3 milioi euroko diru-laguntza jasoko. PPren ekimena zuzentzeko eskatu zuen EAJk, baina jeltzaleen eskakizuna atzera bota du Senatuko Mahaiak.
EAJko talde parlamentarioak BiMEPen aurkako ekimena berriz atertzeko eskatu zuen, baina PPk Senatuko Mahaian duen gehiengoak ez du onartu. Prozeduran hanka-sartze bat izan dela uste dute jeltzaleek.
Horrela, bere garaian EAJrekin adostutako 3 milioi euroko diru-laguntza kentzea onartuko du Senatuak, Ganberan PPk gehiengoa baitu.
2018ko Aurrekontuen lege-proiektuan zenbait zuzenketa planteatu ditu PPren talde parlamentarioak, BiMEPi diru-laguntzak kentzeko, eta horren ordez biztanle-dentsitate txikiko eremuetako industrialdeetan azken belaunaldiko banda zabaleko sareak ezartzea proposatu du.
PPk bere zuzenketetan hanka-sartzea berriz egin duela uste du EAJk; izan ere, BiMEPi kendutako 3 milioiak bi aldiz esleitzen ditu.
Jeltzaleek agiri batean azaldu dutenez, paradoxikoki 6 milioi (3 eta 3 milioi) kentzen dizkiote PPren bi zuzenketak Bizkaiko ikerketa zentroari, 2018ko kontuetan aurreikusitakoa baino milioi bat gehiago. Zuzenketetan zenbatekoen igoerak edo jaitsierak zehatzak izan behar direla gogorarazi du EAJk.
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.