Etxebizitza turistikorik ez baimentzeko aukera izango dute eraikinetako bizilagunek
Eraikin batean etxebizitza turistikorik ez izatea erabakitzeko aukera izango dute bizilagunek, baita bezeroek atsedena errespetatzeko betebeharra ezartzekoa ere. Gainera, zerbitzuko “kalitatea” bermatzeko alderdi batzuk zehaztu ahal izango dituzte eraikinetako bizilagunek, hala nola eskaintzaren araberako gutxieneko metro karratu kopurua edo bezeroak babesteko erantzukizun zibileko asegurua.
Alfredo Retortillo Turismo sailburuaren ahotan, erabilera turistikoko etxebizitzak eta logelak arautzeko dekretuak “segurtasun juridikoa” eta “gardentasuna” emango dio jarduera ekonomikoari, baita bezeroei ere. Dekretua asteartean onartu zuen Gobernu Kontseiluak.
Turismo sailburuak eta Maider Etxebarria Eusko Jaurlaritzako Turismo eta Ostalaritzako zuzendariak prentsaurrekoa eman dute Donostian. Dekretuak “legalki izena eman duten jabeen eskubideak defendatu” nahi ditu, baita “bizilagunenak eta bezeroenak” ere, sailburuak azaldu duenez; izan ere, azken horiek “ahaztu” egin dituzte orain arte. Euskadin 2.200 etxebizitza turistiko daude gaur egun.
Alfredo Retortillo eta Maider Etxebarria. Argazkia: EFE
Gainera, Retortillok azpimarratu du Eusko Jaurlaritzak ez duela “inolako iruzurrik eta jarduera klandestinorik” onartuko sektorean. Horregatik, ikuskaritza zerbitzua beste 10 pertsonarekin indartuko dutela iragarri du.
Dekretu berria Euskadiko Aldizkari Ofizialean argitaratzen denean sartuko da indarrean. Besteak beste, jarduera hasteko, aldatzeko edo amaitzeko, prozedura administratiboak “sistematizatzeko eta antolatzeko” inprimakiak jarriko ditu martxan dekretuak. Bestalde, etxebizitza turistikoek bereizgarri bat izango dute sarreran ikusgarri, “bezeroentzako eta bizilagunentzako legezkotasun berme bezala”.
Pertsona batentzako etxebizitza batek gutxienez 25 metro karratu izan behar ditu erabilgarri, bi pertsonarentzako etxeek 33 metro, eta hiru lagunentzakoek (edo hirutik gorakoentzakoek) pertsona bakoitzeko 15.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.