Gipuzkoako hondartzetako sorosleek greba mugagabea deitu dute hilaren 14tik aurrera
ELA sindikatuak Gipuzkoako hondartzetako sorosleen greba mugagabea deitu du abuztuaren 14tik aurrera. Greba deialdiak Gurutze Gorriak kontratatutako langileei eragingo die.
Sindikatuak ohar baten bidez azaldu duenez, atzo sorosleekin izandako bileran erabaki zuten greba mugagabea abiatzea.
"Hilabetetan Gurutze Gorriarekin negoziatu eta uztailaren amaieran hiru eguneko greba egin ostean" iritsi da greba egiteko deialdi berria, ELAren esanetan.
Maddi Aspiazu ELAren bozeramaileak irakurri du greba iragartzeko mezua. Sorosleek greba mugagabea hasteko "erabaki irmoa" hartua dutela azpimarratu du, eta aldarrikapenak "argiak" direla: soldata igoera, atsedenaldien, egutegien eta oporren antolaketa, eta lanpostuaren egonkortasuna.
"Hamar orduko lanaldiak bazkaltzeko 20 minutuko atsedenarekin", langile kopuru eskasa eta igerilekuetako lankideek baino soldata baxuagoa izatea dira profesional horiek egin dituzten kexetako batzuk.
Donostiako, Zumaiako, Getariako eta Orioko sorosleek (horiei eragiten die grebak) udalen jarrera ere kritikatu dute, hondartzetako sorosle zerbitzuaren arduradunak direlakoan, eta ondorioz, "lan horiek egiten dituzten beharginen prekarietatearen" errudun ere badirelakoan.
Hala, Gurutze Gorriari eta udalei eskatu diete "negoziazioa serio hartzeko eta akordioetara iristeko esfortzua egiteko".
"Urrats horiek egiten ez badituzte eta akordioak lortzen ez baditugu, Gipuzkoako hondartzetako sorosleek greba mugagabea hasiko dute abuztuaren 14an", ohartarazi du.
Aspiazuk azaldu duenez, uztailaren amaieran egindako hiru eguneko lanuztean sorosleek bandera gorria jarri zuten, erabiltzaileen segurtasuna ez zegoelako bermatuta. Uretan sartzea erabakitzen zutenek, beraz, euren ardurapean egiten zuten.
Zure interesekoa izan daiteke
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.