Turisten kopuruak gora egin du berriro Euskadin
Estatuko gainerako autonomia erkidegoetan turismoak izan duen beherakadari izkin eginez, Euskadin turista kopuruak gora egin du berriro; hain zuzen ere, % 6,6ko gorakada izan du turismoak abuztuan, eta % 4,6koa urteko lehenengo zortzi hilabeteetan.
Alfredo Retortillo Turismo sailburuak udako turismoaren balantzeak utzitako datuak eman ditu ezagutzera gaur, Eustat Euskal Estatistika Erakundearen txostenean oinarrituta.
Abuztuan, guztira, 377.745 lagunek egin zuten lo Euskadiko hotel eta landetxeetan, iaz baino % 6,1 gehiagok. Turisten kopurua are altuagoa da, Eustatek ez dituelako kontuan hartzen aterpetxeetan edo kanpinetan lo egiten duten bisitariak, ezta egun-pasa datozenak ere.
"Euskadin turismoaren bilakaera goraka doa, Estatuko beste zenbait autonomia erkidegoetan ez bezala. Hondartza turismoan oinarrituta ez egoteak laguntzen du horretan, Mediterraneoan kokatutako Egipto eta Tunisia bezalako herrialde arrakastatsuekin lehiatu beharrik ez duelako", nabarmendu du Retortillok.
Oraindik ere, nazioarteko turismoak ematen dio indarra Euskadiko turismoari. Esan bezala, % 6,6ko igoera izan du abuztuan. Hilabete horretan Estatuko beste toki batzuetatik iritsitako bisitarien kopurua ere hazi egin da, baita Euskadi barruko turisten bisitak ere.
Nolanahi dela, lurralde batetik bestera ezberdin hazi da turisten kopurua: Bizkaiak 10.350 pertsona gehiago hartu ditu (% 6 gehiago), Gipuzkoa 11.177 lagun gehiagoren bisita izan du (% 8,2ko hazkundea) eta Araban iaz baino 169 bisitari gehiago izan dira (% 0,3ko igoera).
Urteko datuen arabera, urtarriletik abuztura 2,1 milioi turista egon dira Euskadin, betiere, hoteletako eta landetxeetako datuei soilik erreparatuta. Horrek esan nahi du iaz baino 100.000 turista gehiago izan direla; % 4,6ko hazkundea izan da, beraz.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).