Valeriorekin pozik ez eta mobilizazioei eutsiko diete pentsiodunek
Bizkaiko pentsiodunak Magdalena Valerio Lan ministroarekin bildu dira gaur, Bilbon. Erretirodunek desengainua hartu dute hitzorduan. Bileraren emaitzarekin pozik ez eta mobilizazioei eustea adostu dute, Espainiako Gobernuak aldarrikapenak onartu arte.
Magdalena Valerio Lan eta Gizarte Segurantza ministroa Bizkaiko pentsiodunen ordezkariekin bildu da gaur. Ministroak aldarrikapenak betetzeko konpromisorik hartu ez duela azaldu dute erretirodunen ordezkariek manifestazioaren bukaeran.
Erantzunak erretirodunen haserrea eragin du. “Kanpora” “kanpora” oihuak eta txistu ugari izan dira Bilboko manifestazioan. Milaka pertsonak pentsio publikoak blindatzea eskatu dute Bizkaiko hiriburuan.
“Bete ezin izango duen hitzik emango ez” duela azaldu die ministroak pentsiodunen bozeramaileei. Aurten eta datorren urtean pentsioak benetako KPIren arabera igoko dituztela bermatu die soilik, PPren Gobernuak eta EAJk 2018ko aurrekontu egitasmoan adostu bezala.
Gutxieneko pentsioa hilean 1.080 eurokoa izateko Gobernuak planik ote duen galdetu diote ministroari. “Horretarako egitasmorik ez” duela erantzun die Valeriok, pentsiodunen ordezkariek jakitera eman dutenez.
Manifestarien haserrea eta desengainua eragin du berriro erantzunak.
Nahi beste aldiz Bizkaiko pentsiodunekin biltzeko borondatea agertu du Magdalena Valerio ministroak, erantsi dutenez.
Bilboko manifestazioa. Argazkia: EFE
Aldarrikapenen zerrenda bat eman diote Bizkaiko pentsiodunek ministroari; besteak beste, gutxieneko pentsioa 1.080 eurokoa izatea, gizonen eta alargunen arteko pentsioen arrakala ezabatzea eta jasangarritasun faktorea “berehala” indargabetzea.
Aldarrikapenak onartzen ez dituzten bitartean mobilizazioekin jarraituko dutela ohartarazi diote. Horrela, manifestazioa bukatu eta urriaren 8an, Bilbon eta Bizkaiko beste herri batzuetan, elkarretaratzeak deitu dituzte.
Iruñea
Era berean, Iruñeko kaleetan manifestazioa egin dute Nafarroako erretirodunek eta pentsiodunek, pentsioen sistema publikoa defendatzeko. Bi deialdi ezberdin izan dira Nafarroako hiriburuan.
Bi martxak eguerdian hasi dira. Bat Sarasate pasealekuko Foru monumentutik abiatu da, eta bestea Udaletxe plazatik. Bi mobilizazioetan pentsio duinak aldarrikatu dituzte.
Adineko Pertsonen Nazioarteko Egunean, UGTko eta CCOOko pentsiodunek, Sasoiak, Lacarrak, ANAPPk eta Pentsio Sistema Publikoaren Defentsarako Nafarroako Elkarteak “egungo eta etorkizuneko pentsioak blindatzeko konpromisoa” eskatu diete Foru Exekutiboari eta Gobernu zentralari.
Manifestazioa Iruñean. Argazkia: EFE
“Pentsio sistema publikoaren defentsan” lelopean, Foru monumentuan hasi eta bukatu da martxa. “Atzerapausorik ez, pentsioak aurrera” edo “ustelkeria kanpora, pentsio gehiago”, oihu egin dute manifestariek protestan.
“Egungo Gobernuak eta aurrekoak pentsiodunen eta pentsio sistema publikoaren arazoei ez diete erantzunik eman”, salatu du Fernando Viedma Pentsio Sistema Publikoaren Defentsarako Nafarroako Elkarteko ordezkariak.
Bestalde, Nafarroako pentsionistak martxan kolektiboak deitutako manifestazioa Udaletxe plazatik abiatu eta Nafarroako Jauregiaren aurrean bukatu da, “1.080 euroko gutxieneko pentsio publiko duina” lelopean.
“KPIren araberako igoera iraunkor bat legez bermatzea” eskatu dute Arantxa Iturralde eta Benito Uterga kolektiboko ordezkariek.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.