Atlantikoko tren korridoreari lehentasuna ematea eskatu du Tapiak
Arantxa Tapia Ekonomi Garapenerako eta Azpiegituretarako sailburuak azpimarratu duenez, Eusko Jaurlaritzak “ez du bakarrik eragile esanguratsu” bat izan nahi azpiegitura berriak eraikitzeko orduan, “tren zerbitzuetan erantzukizunak hartu” baizik. “Atlantikoko tren korridoreko inbertsioei lehentasuna” ematea eskatu die Tapiak estatuei.
Tapiak adierazpenak egin ditu Arku Atlantikoaren Batzorde Betearazlean. Irungo (Gipuzkoa) Ficoban egin dute bilera, Espainia eta Frantzia zeharkatzen dituen azpiegituraren egoera aztertzeko. Bereziki Irun-Hendaia tarteko lanak izan dituzte mahai gainean.
Imanol Leza Euskotreneko zuzendari nagusiak sailburua lagundu du bileran. Euskal Y, Irun-Hendaia muga arteko lotura edo korridore propioaren garapena aztertu dituzte parte-hartzaileek. Batzarrean parte hartu duten ordezkarien arabera, proiektuak “egiteko bide luzea du oraindik”.
Frantziako eta Espainiako gobernuetako ministerioen, Adif, SNFC eta, aurrenekoz, Jaurlaritzako ordezkariek parte hartu dute batzordean. “Eraginkortasun handiko Europako trenbide sare bat lortzeko, egiteko geratzen den guztia” mahai gainean jarri dute. Tren proiektuaren oztopo garrantzitsuenak aztertu dituzte. Egitasmoak “Europa lotu eta kontinenteko garraio arazo askori konponbidea eman beharko” liekeela uste dute.
Batasuneko barne “muga” batean, bi estaturen arteko loturak behar duen “plangintza, koordinazio, azterketa eta garapen lan handia” nabarmendu du Tapiak hitzaldian, “Europa mailan operagarritasuna nabarmen hobetzea” lortzeko.
“Europako Batzordea horren kontziente da, Violeta Bulc Garraiorako komisarioak orain duela gutxi baieztatu zuenez. Eusko Jaurlaritzak azterketarekin bat egin eta estatu ezberdinen arteko muga operagarritasuna hobetzeko borondatea agertu du, botila-lepoa efektua murrizteko lanean, batez ere Irun-Hendaia mugaren kasuan”, esan du.
Albiste gehiago ekonomia
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.