Aurrekontuei aurkeztutako osoko zuzenketak eztabaidagai, Eusko Legebiltzarrean
09:30etik, 2019ko aurrekontuen lege-proiektuari aurkeztutako osoko zuzenketak eztabaidatzen ari dira Eusko Legebiltzarreko osoko bilkuran.
Ezusterik ezean, Elkarrekin Podemosek eta PPk aurkeztutako zuzenketak baztertuko ditu Ganberak, EH Bilduk atzo iragarri baitzuen ez zuela babestuko 2019ko aurrekontu proiektua itzultzea, eta prozeduraren amaierara arte (abenduak 21) Eusko Jaurlaritzarekin negoziatzen jarraituko zuela.
Saioa Pedro Azpiazu Eusko Jaurlaritzako Ogasun sailburuarekin agerraldiarekin abiatu da. Sailburuak iragarri duenez, 24 orduko epean koalizio abertzalearekin akordiorik lortzen ez badu, Jaurlaritzak lege-egitasmoa erretiratuko du. Ostegunean, 09:00etan, Aurrekontuen inguruko Batzordea biltzen da, eta epemuga hori bete baino lehen egin beharko luke atzera Jaurlaritzak.
Ondoren, talde parlamentarioek hartu dute hitza. Bozeramaileek 30 minutu izango dituzte aurrekontuen inguruko iritzia emateko. Proiektuaren alde agertuko dira Jaurlaritza osatzen duten bi alderdiek, EAJk eta PSE-EEk. Elkarrekin Podemosek eta PPk, berriz, aurkeztutako osoko zuzenketak defendatuko dituzte, proiektua Gobernuari berriro itzultzeko eskatzeko. EH Bilduk bozketa egin eta gero azalduko omen du bere iritzia.
Dena ondo bidean, 13:00ak aldera egingo dute bozketa. Ezusterik ezean, lege-proiektuak izapidea gaindituko du eta Legebiltzarrak osoko zuzenketak baztertuko ditu EAJren, PSE-EEren botoekin eta EH Bilduren bi abstentziorekin.
Proiektuak tramitazioa jarraituko du, beraz, eta abenduaren 21ean behin betiko bozketa egingo dute Legebiltzarrean.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.