2019ko Aurrekontuak onartu ditu laukoak, UPN, PSN eta PP alderdien aurkako bozekin
Foru Parlamentuak, Gobernua osatzen duten lau alderdien (Geroa Bai, EH Bildu, Nafarroako Ahal Dugu eta I-E) babesarekin eta UPNren, PSNren eta PPren ezezkoarekin, Nafarroako Aurrekontuak onartu ditu gaur, hots, legealdi honetako laugarren eta azken kontuak. Horrenbestez, guztira, 4.312 milioi euroko aurrekontua izango du Gobernuak datorren urtean.
Horrek esan nahi du 2018an baino 126 milioi euro gehiago (% 3,26ko hazkundea) izango dituela 2019an.
Azken asteotan UPNren eta PPren osoko zuzenketak gainditu dituzte, eta orotara alderdi guztiek aurkeztutako 1.025 zuzenketa partzialei 161 zuzenketa berri gehitu dizkiete. Esan bezala, oposizioak aurkeztutako zuzenkizunak atzera bota dituzte, eta Droga-mendekotasunaren Planari diru gehiago bideratzeko in voce zuzenketa soilik onartu dute.
Hartara, 569 izan dira gaur eztabaidatutako zuzenketak (UPNren 274, PSNren 295 eta PPren 2). Bestalde, guztien artean adostutako in voce zuzenketa bat eta laukoak onartu ez dituen beste bi (horietako bat amatasunagatik atxikitako PFEZa itzultzeari buruzkoa) izan dituzte eztabaidagai.
Bestalde, kirolean berdintasunez jokatzeko PSNk aurkeztutako zuzenketaren bozketan berdinketa egon da, Nafarroako Ahal Duguko Tere Saezek babestu baitu, "bere ideiekin bat datorrelako" eta Laura Luelmo Huelvan hil duten irakaslea "omentze aldera".
Esan bezala, amatasun sarietan atxikitako PFEZa itzultzea eskatu dute hainbat emakumek Parlamentuan.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.