Arartekoa: 'Osakidetzako LEPei buruzko txostena urtarrilaren amaierarako egongo da'

Osakidetzako LEPen inguruko polemika izan du hizpide, besteak beste, Manu Lezertua arartekoak Radio Euskadin egin dioten elkarrizketan. Horren hitzetan, hil honen amaierarako prest egongo da lan eskaintzen inguruan prestatu duten txostena.

Hamabi neurri zehatz jasotzen dituen dokumentua prestatu dutela aurreratu du Lezertuak. Joan den urteko probetan atzemandako "irregulartasunak" berriro ez gertatzea da hartuko diren neurrien helburua. Langile publikoen aukeraketak "gardena" izan behar duela nabarmendu du, eta prozesuaren inguruan sortutako zalantzek erakunde publikoen sinesgarritasuna "kolokan" jartzen dutela esan du.