Gurasoen federazioak, patronalei eta sindikatuei: "Negoziatu egin behar duzue"
Itunpeko ikastetxeetako guraso-elkarteen hiru federazioetako ordezkariak Cristina Uriarte Hezkuntza sailburuarekin bildu dira arratsalde honetan Bilbon, aipatu zentroetan bizi duten lan-gatazkagatik eta sindikatuek deitu duten greba dela eta beren kezka agertzeko.
Gatazka ikasgeletatik ateratzeko eta negoziazioaren bidez konpontzeko eskatu diete patronalei eta sindikatuei.
"Badakigu negoziazioak zailak izan ohi direla, eta alde guztiek zerbaiti uko egin behar izaten diotela, baina horixe da eskatzen dizueguna; arduraz joka ezazue, egoera oso larria baita", adierazi du Uriartek guraso-elkarteetako ordezkariekin batera egin duen agerraldian.
Itunpeko ikastetxeetan 9.000 lagunek egiten dute lan. Hamar urte daramatzate lan-hitzarmena berritu gabe eta soldatak izoztuta. Bi patronalekin -Kristau Eskola eta Izei- akordio batera iritsi ez direnez, sindikatuek protestak areagotuko dituzte hilaren 16tik aurrera: zortzi eguneko greba deitu dute.
Hezkuntza sailburuak gogoeta egiteko eskatu die sindikatuei, "zortzi eguneko greba gehiegizkoa baita". "Ezin dugu onartu ikasleek kurtsoa galtzea, ezta haien familiek bizi duten egoera luzatzea ere", erantsi du.
Gauzak horrela, Uriartek jakinarazi du greba deitu den ikastetxeetan gutxiengo zerbitzuak handitzea eskatuko duela. Alabaina, ez du zenbateko zehatza argitu.
Ikasleen gurasoen hiru federazioetako ordezkariek adierazi dute Hezkuntza sailburuari laguntza eskatu diotela lan-gatazka ikasgeletatik ateratzeko, "ezerk ez baitu justifikatzen lan-gatazka hau ikasgeletan egotea".
Patronalei eta sindikatuei elkarrizketaren bideari heltzeko exijitu diete: "Bi egun barru greba bat deituta dago. Ahalik eta azkarren hurbilketa bat izan behar da. Mahaian eseri eta negoziatu egin behar dute", azpimarratu dute.
Kristau Eskolak ez du beste proposamenik aurkeztuko
Bestalde, Kristau Eskolak "benetako negoziaziori" ekiteko deia luzatu die sindikatuei, baina soldatari lotutako mugak itunpeko ikastetxeen ereduak ezartzen dituela eta, beraz, horiek aldatze patronalaren esku ez dagoela ohartarazi die.
Mikel Ormazabal Kristau Eskolako zuzendari nagusiak ohar bidez azaldu duenez, 2017ko azaroaz geroztik patronalak lau proposamen egin ditu lan-hitzarmena berritzeko negoziazioan aurre egiteko, “baina sindikatuek erantzun maximalistak eman dizkigute beti”.
Hortaz, patronalak azpimarratu du hilaren 11n aurkeztu zuten proposamena dela azkena, "hori baita gehienez eskaini diezaiekeguna".
Sindikatuek, besteak beste, soldatak igotzea eta behin-behineko langileen lan-baldintzak hobetzea eskatzen dute. Bi patronalek orain arte egindako proposamenak nahikoak ez direla esanez atzera bota dituzte.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.