La Navaleko langileek protesta egin dute Kongresuaren aurrean, ontziolaren alde
Sestaoko (Bizkaia) La Naval ontziolako langileek elkarretaratzea egin dute asteazken arratsalde honetan, Diputatu Kongresuaren aurrean, talde parlamentarioei eta Espainiako Gobernuari "irtenbide bat" eskatzeko. Protesta bilkura hiru orduz luzatu da, Reyes Maroto Espainiako Industria ministroak egin duen agerraldiarekin bat eginez.
Arratsaldeko bilkuran ontziolaren itxieraren kontrako oihuak entzun dira, eta langileek “Naval ez itxi” zioten pankartak izan dituzte aldean. Halaber, “inbertitzaile gutxiago eta irtenbide gehiago” behar dituztela esan dute. Bitartean, Madrilgo taxilariek babesa adierazi diete, eta prekarietatearen aurka agertu dira.
Diputatu batzuk ere haiengana hurbildu dira babesa adierazteko. Besteak beste, Unidos Podemos taldeko Rafael Mayoral, Yolanda Diaz eta Alberto Rodriguez, eta EH Bilduko Oskar Matute izan dira langileengana hurbildu direnak.
EH Bilduko kidearen iritziz, ontziolaren egoerari aurre egiteko ezinbestekoa da lehenbailehen inbertitzaile pribatu bat aurkitzea eta erakunde publikoek baliabide ekonomikoak bideratzea. “Borondate politikorik ez dagoela dirudi, eta egoera oso kaskarra da, bi aste barru lantaldea kaleratuko baitute”.
Dena dela, irtenbide bat bilatzeko denbora badagoela ziurtatu du Matutek, baina Navalen egoera erakundeen esku dagoela adierazi du. Halaber, enpresa hori “erreferentea” dela azpimarratu du, eta “ontziolaren sektorea estrategikoa” dela esan du.
Industriak dio ezin duela La Naval erreskatatu
Unidos Podemos talde parlamentarioak La Naval ontziolari buruz egindako galdera bati erantzun behar izan dio gaur Reyes Maroto Industria ministroak, eta enpresa batzordeko kideek Kongresuko areto batetik jarraitu ahal izan dute agerraldia.
Marotok azaldu duenez, administrazio publikoek krisi egoeran dauden enpresei ematen dizkieten laguntzekin oso “zorrotza” da Europako araudia. Bere iritziz, horrek Sestaoko ontziolaren “erreskatea eragozten du”. Gauzak horrela, irtenbide bat lortzeko La Naval likidatzeko planarekin jarraitu eta inbertitzaileek interesa agertu arte itxaron behar dela esan du.
Industria ministroak arratsaldean egindako agerraldian azpimarratu duenez, Espainiako Gobernuak oso zorrotza izan behar du ematen dituen laguntzekin, ezin dituelako iraganean egindako akatsak errepikatu. Horrenbestez, likidazio plana hilabete batzuk barru amaitu daitekeela aurreratu du, lantaldea berriro onartuko lukeen inbertitzaile bat agertzen bada.
Bere iritziz, azken ontzia bertan amaitzeko aukera lortu dezake inbertitzaile berriak. Hala, egungo egoerari irtenbide bat bilatu ahal izateko “errealistak” izan eta erakundeek eta enpresa batzordeak elkarrekin lan egiteko borondatea izan behar dutela esan du.
Talde parlamentario batzuekin bilerak
Ehun langile inguru abiatu dira 08:30 aldera Sestaoko ontziolatik, bi autobusetan, Madrilera. Aurrez, enpresa batzordeko ordezkariak bi autotan atera dira. Izan ere, hainbat bilera hitzartu dituzte Kongresuko sei talde parlamentariorekin: Unidos Podemosekin, EAJrekin, Alderdi Popularrarekin, Ciudadanosekin, Talde Mistoarekin (EH Bilduko eta bertan ordezkaritza duten gainerako alderdietako ordezkariekin) eta PSOErekin.
Juanjo Llorden enpresa batzordeko idazkariak azaldu duenez, ontziolaren eta langileen egoeraren berri eman diete guztiei, eta Eusko Jaurlaritzak eta Espainiako Gobernuak, inbertitzaile pribatu batekin batera, ontziola erosteko "presioa" egiteko eta hiruko mahaiaren beste bilera bat deitzeko eskatu diete.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.