Hiru sendagile deitu dituzte deklaratzera, Osakidetzako irregulartasunekin lotuta
Gasteizko epaitegi batek Osakidetzako Anestesiologiako, Angiologiako eta Digestio zerbitzuetako sendagile arduradunak deitu ditu deklaratzera. Izan ere, lan eskaintza publikoan izandako filtrazioen erantzuletzat jo ditu fiskalak.
Hainbat sindikaturen salaketen ondorioz, EAEko Fiskaltza Nagusiak eginbideak abiatu ditu 19 espezialitatetan irregulartasunak egon ote ziren ikertzeko. Ikerketa burutu ostean, fiskalak ezagutarazte delitua egotzi die hiru sendagileri, eta auzipetu gisa deitu ditu deklaratzera.
Asteazkenean, Gasteizko 2. zenbakidun Instrukzio Epaitegira igorritako epaian zehazten da tramitera onartu dutela Fiskaltzak aurkeztutako salaketa, eta aurre-eginbideei hasiera ematea adosten du epaileak.
Horrela, desleialtasun delituengatik eta isilpeko informazioa azaleratzeagatik deklaratu beharko dute auzipetutako hiru medikuek. Gainera, beste hamar sendagilek lekuko gisa joan beharko dute deklaratzera.
Epaiketa maiatzaren bukaeran izango da, eldiarionorte.es egunkari digitalak aurreratu eta EFE albiste agentziak iragarri duenez.
Fiskaltzak bere idatzian jaso zuenaren arabera, hiru sendagile horiek izan ziren aipatu espezialitateetako galderak idatzi zituztenak, eta kasu guztietan haiekin lanean zeuden oposiziogileek izan zituzten emaitza onenak azterketan. Horregatik, filtrazio zantzuak antzeman dituzte.
Bestalde, beste espezialitate batzuetan ere irregulartasun zantzuak hauteman dituzte, baina horien erantzuleak zein diren ikertzen dabiltza oraindik ere.
Horretarako, Fiskaltzak beste hamar mediku deitu ditu deklaratzera, lekuko gisa. Hain zuzen ere, Kardiologia, Traumatologia, Kirurgia Plastikoa, Urologia, Medikuntza intentsiboa, Larrialdiak, Mikrobiologia eta Kardiobaskular espezialitateetako azterketak ikertuko dituzte.
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.