Bonu Jasangarriaren eskariak laukoiztu egin du eskaintza
Euskadi Bonu Jasangarriaren jaulkipenaren eskaintza laukoiztu egiten duen eskaria jaso du Eusko Jaurlaritzak gaur goizean. Horrela, 140 inbertitzaile baino gehiagok (2018an baino 30 gehiagok) 2.508 milioi euro eskatu dituzte, EAEko Exekutiboak agiri batean azaldu duenez.
Oraingo honetan 19 herrialdetara heldu dira, 2018an baino sei gehiagora. “Erantzun horrek, Jaurlaritza moduan jaulkipen jasangarrien alde apustu egitean asmatu egin dugula berresten du”, adierazi du Pedro Azpiazu Ekonomia sailburuak.
Atzo jakinarazi zuen Eusko Jaurlaritzak 600 milioi euroko balioa zuen zor publikoa jaulkitzeko asmoa. “Gure finantza produktua merkaturatu duten erakundeek azaldu digutenez, inbertitzaile jasangarrien artean interes gehien sortu duen Estatuko jaulkipen publikoa gara”, adierazi du Azpiazuk. Izan ere, inbertitzaileen % 60 mota horretakoa izan da.
Jaurlaritzak bonuen % 70 nazioarteko inbertitzaileen esku utzi du, eta gainerako % 30 Euskadiko eta Espainiako inbertitzaileen artean.
Jaulkipenaren ondorengo kupoia % 1,125ekoa izan da, oinarrizko 10 puntuko spread-arekin (iaz oinarrizko 15 puntukoa izan zen).
Deigarria da nazioarteko eskaria. Horrela, interesa erakutsi duten herrialdeen artean hauek daude: Andorra, Austria, Alemania, Belgika, Korea, Zipre, Espainia, Estatu Batuak, Frantzia, Erresuma Batua, Grezia, Holanda, Italia, Liechtenstein, Luxenburgo, Monako, Norvegia, Portugal eta Suitza.
Herrialde horietatik, Andorrak, Ziprek, Estatu Batuek, Greziak, Liechtensteinek, Monakok eta finantza produktu jasangarrietan erreferentea den Norvegiako Funts Subiranoak lehen aldiz erabaki dute euskal zor publikoan inbertitzea.
Azken ezarpena hau izan da: Espainia (175,2 milioi euro); Frantzia (138,5 milioi); Alemania (107,7); Norvegia (60); Italia (32); Suitza (27,4); Herbehereak (24,8); Erresuma Batua (11,7); Hego Korea (10); eta beste 12,7 Estatu Batuak, Grezia, Andorra, Liechtenstein, Monako eta Portugal artean banatu dira.
Inbertitzaileen tipologiari dagokionez, gehienak inbertsio funtsak dira (% 47), eta horien ostean bankuak (% 33), erakunde ofizialak, Norvegiako Funts Subiranoa, besteak beste (% 12), Aseguruen sektoreko erakundeak (% 7) eta, neurri txikiagoan, pentsio funtsak, banku zentralak eta enpresa pribatuak (%1) daude.
Iaz, Eusko Jaurlaritzak jaso zuen eskariak hirukoiztu egin zuen Euskadi Bonu Jasangarriaren eskaintza. Inbertitzaileek 1.583 milioi eskatu zituzten, eta eskaintza 500 milioi eurokoa izan zen.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.