LEPa salatu zuen anestesistak lanean jarraituko du azkenean Osakidetzan
Osakidetzak bere lanpostuan jarraitzeko eskubidea aitortu dio Marta Macho anestesistari, Lan Eskaintza Publikoko (LEP) azterketetan filtrazioak izan zirela salatu zuenetako bati, Patxi Nicolau ESK sindikatuko ordezkariak jakinarazi duenez.
Osakidetzak asteazkenean esan zion Machori Debagoieneko Ospitalean zuen kontratua etengo ziola ostiral honetan, plaza horren jabearen lan egoera aldatu zelako.
Macho jardunaldi murrizketa bat ari zen egiten, eta plazaren jabeak eszedentzia eskatu du. Osakidetzak eta Osasun Sailak argudiatu zuten plazaren jabearen egoera aldatu zenez, kontratu berri bat egin behar zela bere lanposturako lan-poltsara jota.
Kontratu etete hori Machok ustezko irregulartasunak epailearen aurrean berretsi eta biharamunean jakinarazi zioten, baina Nekane Murga Osasun sailburuak erabat errefusatu zuen horrekin harremana zuenik.
Gaur goizean, Osakidetzaren Zerbitzu Zentralak Machorekin jarri dira harremanetan bere lanpostuari eutsiko diola jakinarazteko, eta plazadunaren egoera berriarekin egokituko zaiola, "lan egoera egonkortu" egingo zaiola, alegia.
Nicolauk azaldu duenez, sailburuak, "ongi pentsatuz gero, ez daki prozesu horiek nola egiten diren, zeren araudiak kontratazioen egonkortasuna bilatzen du".
Helburu hori 2011ko lan-poltsen araudian dago sartuta, eta horren arabera, plazadunak eszedentzia bat eskatzen badu, bere postuan dagoenari eskaini behar zaio "egonkortasuna" bilatze aldera.
Nicolauren esanetan, Osakidetzak araudia urratu nahi izan zuen Machoren kasuan, eta "ezinegon pertsonala" eragin nahi zion horrela, "zapalkuntza" izan zelako, baina "sindikatuen eta medioen salaketak" azkenean atzera egitera eta araudia betetzera eraman du.
Galdera Legebiltzarrean
Osakidetzaren azterketetan izandako ustezko irregulartasunekin lotuta, Rebeka Ubera EH Bilduko legebiltzarkideak galdera bat egin du Eusko Legebiltzarrean Osakidetzaren "kontratazio eredu ustela" salatzeko.
Auzitegia ikertzen ari den filtrazioen ustezko egileen "inpunitaterako espazioak" blindatu nahi izana leporatu dio Uberak Murgari, eta "salatzen duena kalera doa" adierazi nahi izatea.
"Oso azal lodia eduki behar da ikertu beharrean frogak aurkezten dituztenen aurka jotzeko", berretsi du Uberak, eta azkenean sindikatuen eta medioen presioagatik kontratatu behar izan dutela azpimarratu du.
Uberari erantzunez, Osasun sailburuak esan du Osakidetzak "diskriminaziorik gabe" jokatu duela kontratazio prozesuetan. Gainera, adierazi du ez diola bere ardurari muzin egin, prozesu judizialean pertsonatu nahi izan duelako, eta epailea izan delako Osakidetza pertsonatzearen aurka agertu dena.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.