Osakidetzako LEPan ikertutako medikuek azterketen filtrazioa ukatu dute
Osakidetzaren azken lan-eskaintza publikoan ustez egindako filtrazioengatik ikertutako hiru zerbitzuburuek gertaturikoan "edozein parte-hartze" ukatu dute instrukzio-epailearen aurrean.
Jose Luis Cabriada, Maria Reyes Vega eta Cesar Augusto Valero medikuek Gasteizko Instrukzio-epaitegian deklaratu dute ostegun honetan. Ikertu bezala agertu dira epailearen aurrean, desleialtasuna agirien zaintzan eta sekretuen jabe egin eta zabaltzea egotzita, oposiziogile batzuei Digestibo, Angiologia eta Anestesiologiako probak ustez filtratzeagatik.
Hirurak abokatuarekin joan dira epaitegira, eta komunikabideen aurrean adierazpenik egitea baztertu dute, sarreran zein irteeran. Galdeketa nola joan den galdetu dietenean, "oso ondo" erantzun dute bi abokatuk.
Fiskaltzaren aurrean egindako adierazpenak berretsi dituztela azaldu du Patxi Nicolau ESKko ordezkariak. "Gertakarietan edozein parte-hartze ukatu dute", ziurtatu du sindikatuko ordezkariak. ESK-ko eta LABeko abokatuek (herri-akusazioa) egindako galderei erantzutea baztertu du inputatuetako batek. "Harritu gaitu", onartu du Nicolauk.
"Abokatuek nahi duten gauza bakarra ikerketa aurrera eramatea da", azpimarratu du Nicolauk. "Erantzukizun judiziala" inputaturiko hiru zerbitzuburuetatik "haratago" doala argi du sindikatuak. "Defentsaren jarrera ulertzen dugu, ez dugu kritikatuko, baina Justiziari laguntzea aukerarik onena dela uste dugu", erantsi duenez.
Maria Reyes Vega Osakidetzako angiologia zerbitzuburua. Argazkia: EFE/ David Aguilar
Bere garaian lan-eskaintza publikoaren epaimahaietako aktekin "alderatzeko" modurik izan ez zituzten irregulartasunen frogak eskuetan urtebete eman dute. "Anonimo" horiek, orain auziaren parte izanik, aztertu ahal izango dituzte, "datu berriak" aurkezteko, ikerketa beste espezialitateetara zabaltzeko helburuarekin. "Hau ezin da bakarrik hiru pertsonatara mugatu", errepikatu du Nicolauk.
Orain arte deitutako pertsonen deklarazioa ostegun honetan bukatu da. Instrukzio-epaitegiko arduradunak prozedura nola jarraitu erabaki behar du orain.
Bestalde, Osakidetzak Marta Macho anestesista asteazkenean kaleratu izana hizpide izan du Nicolauk. Machok ustezko filtrazioak salatu zituen. Debagoienako Ospitalean zuen kontratua ostiralean bukatzen dela jakinarazi zioten, "inolako azalpenik eman gabe", ESK-ko ordezkariak salatu duenez.
"Errepresio ekintza" bat dela esan du sindikatuko ordezkariak. Nicolauren ahotan, Osakidetzak barne-araudi propioa urratu du. Kexa bat aurkeztuko dutela iragarri du, baita gatazkak konpontzeko prozedurei hasiera eman ere.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.