Pentsiodunek protestak mantenduko dituzte udan, eta zabaldu egingo dituzte udazkenean
Eskakizunak lortzeko kalean jarraituko behar dutela uste dute pentsiodunek, eta horregatik, udan asteleheneko mobilizazioak mantenduko dituzte, "atsedenaldi" zehatz batzuekin, eta irailetik aurrera protestak zabalduko dituzte, horretarako beste taldeak ere aintzat hartuta.
Astelehenero bezala, ehunka pentsiodunek Bilboko Udalaren aurrean elkarretaratzea egin dute. Aldarrikapenen artean daude 1.080 euroko gutxieneko pentsioa eta pentsioak benetako KPIren arabera igotzea.
Jon Fano Bizkaiko pentsiodunen mugimenduaren bozeramaileak esan duenez, protestekin jarraituko dute. "Gure aldarrikapenak zati batean edo guztiz kontuan izatea nahi badugu, beharrezkoa izango da mobilizazioekin jarraitzea", esan du.
Espainiako Gobernu berriaren osaketaren aurrean, taldea "kezkatuta dago", izan ere, "Europako Batzordea eta Estatuko botere ekonomiko eta finantzario handiak hurrengo Gobernua presionatzen ari dira, pentsioak hobetu ez ditzan".
Gogorarazi duenez, zentzu horretan, aurreko astean Espainiako Bankuak erretiratzeko adina atzeratzearen eta pentsioak bizi-itxaropenarekin eta barne-produktu gordinarekin lotzearen (iraunkortasun faktorea) alde egin zuen.
Horregatik, Bizkaiko pentsiodunek mobilizazioekin jarraituko dute udan, "agian zenbait astelehenetan atseden hartuta", eta herrietako jaiak aprobetxatuko dituzte mobilizatzeko.
Gainera, irailetik aurrera mobilizatzeko plan bat diseinatzen ari dira, protesten eragina indartzeko. Horretarako, beste talde sozial eta sindikalak izango dituzte kontuan. Dagoeneko horiekin harremanetan daude.
Momentuz, esan duenez, "mobilizazio horretarako zenbait sindikatu garrantzitsuren babesa daukagu".
Manifestazioa Gasteizen
Ehunka pentsiodunek manifestazioa egin dute Gasteizko kaleetatik, "Pentsio publiko duinak" lelopean, eta Emakunde eta Gizarte Ongizaterako Foru Erakundearen egoitzaren aurrean elkarretaratzea egin dute, soldata arrakalaren aurka eta pentsioen aldeko neurriak eskatzeko.
Pentsionistak Arabako bozeramaile Marian Rodrigok gogorarazi duenez, emakumeak "gogaituta daude soldatekin", beti "lanbide eskasetan" egon direlako edo senideen zaintzaren ardura izan direlako. Horregatik, "pentsioa jasotzean, ez dute kopuru bera kobratzen". "Emakumeentzat pentsio duinak" eskatu ditu.
Armando Aulestiartek azaldu duenez, lan-merkatuko soldata arrakala % 23koa den bitartean, pentsiodunen kasuan % 35-37koa da, "lanbide eskas" horren erruagatik. Egoera hori konpontzeko eskatu du.
Juan Antonio Armentiarentzat, emakumeek 70eko hamarkadan izandako "ibilbide profesional laburragoek oso pentsio baxuak" ekarri dituzte, eta hori diru sarrerak bermatzeko errentarekin konpentsatu behar dute, 600 euroraino heltzeko.
Albiste gehiago ekonomia
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.