Bezeroak ia 1.000 euro aurreztuko ditu indarrean den hipoteken lege berriari esker
Ekainaren 16tik dago indarrean otsailean Kongresuan onartutako hipoteken lege berria, baina gaur izango du lehen egun balioduna. Horrek esan nahi du hemendik aurrera banketxeen esku geratuko direla notarioari egin beharreko lehen ordainketak, hau da, erregistro eta gestoria gastuak. Lege berriarekin, batez beste, 500 eta 1.000 euro artean aurreztuko ditu bezeroak.
Ia hiru urteko atzerapenarekin iritsi da arau berria. Izan ere, legea aldatu ezean, egunean 100.000 euroko isuna ezartzeko mehatxua egin zion Europako Batzordeak Espainiako Estatuari.
Hartara, arau berriaren onarpenak luze jo bazuen ere, kontsumitzaileen babesa eta segurtasun juridikoa indartuko ditu hipoteken lege berriak, adituen arabera.
Jose Luis Martinez Campuzano Espainiako bankuen patronaleko (AEB) bozeramailearen ustez, aldaketei aurre egiteko prest daude banku espainiarrak.
Berritasun nabarmenenen artean dago aurrerantzean bankuen esku geratuko direla notarioari egin beharreko lehen ordainketak, hau da, erregistro eta gestoria gastuak.
Bezeroak, bestalde, bigarren kopiak eta tasazio gastuak ordaindu beharko ditu.
Aldaketa horrekin, 500 eta 1.000 euro artean aurreztuko ditu bezeroak, iahorro.com webguneak zehaztu duenez.
Berritasun gehiago ere ekarri ditu lege berriak; besteak beste, ez da zoru-klausularik izango. Gainera, etxegabetze prozesuetarako baldintzak zorroztu dituzte: bezeroak 13 kuota edo hipotekaren % 3 (mailegua amortizatzeko epea erdira heldu denean) izan beharko du ordaindu gabe, bankuak etxegabetze prozesua hasi ahal izateko.
Zure interesekoa izan daiteke
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.
Albiste izango dira: Klima Aldaketa eta Nekazaritzaren Mahaia, afari solidarioak Donostian eta Ekialde Hurbileko gerra
Gaurkoan Orain-en albiste izango direnen laburpena, bi hitzetan.
Eusko Jaurlaritzak Enagas konpainiaren % 1 erosi du, 45 bat milioi euroren truke
Erosketa hori Indartuz funtsaren bidez egindako lehen inbertsio zuzena da.
Bizkaiko metalgintzako enpresen % 20 kolokan egon daitezkeela ohartarazi du patronalak
Metaleko Enpresen Bizkaiko Federazioaren azken txostenaren arabera, enpresen errentagarritasunak eta inbertsioak behera egin dute, eta absentismoa % 10,4koa izan da 2026ko lehen seihilekoan.
Osakidetzako gehiengo sindikalak greba egingo du udazkenean, "kolektibo guztien" lan baldintzak hobetu ditzaten eskatzeko
SMEk Osasun Sailarekin hitzartutako akordioa "partziala" dela salatuta, LAB, SATSE, ELA, CCOO eta UGT sindikatuek mobilizazioak egingo dituzte irailetik aurrera, "aparteko orduetan oinarritutako eredua ez delako jasangarria".
Zerga turistikoaren ordenantza onartuta, urtean 8 milioi euro biltzea espero du Donostiako Udalak
Jon Insausti alkateak esan duenez, helburu nagusia da hiria bisitatzen dutenek "zerbitzu publikoak, azpiegiturak, hiri-espazioak, segurtasuna eta beste jarduerak finantzatzen laguntzea, bisitarien eta donostiarren bizi-kalitatearen arteko oreka mantentzeko".