Aurrekontuak negoziatzeko 'erantzukizuna' eskatu dio Erkorekak oposizioari
Euskal Autonomia Erkidegoko aurrekontuak negoziatzeko garaian, "erantzukizuna" eskatu die Josu Erkoreka Eusko Jaurlaritzako bozeramaileak Eusko Legebiltzarreko oposizioaren taldeei. Erkorekaren hitzetan, kontuei "boikota egitea, segur aski euskal gizarteari boikota" egitea da.
Gerra Zibilean borroka egin zuten gudari eta milizianoei omenaldia egin diete Bilbon. Erkoreka bertan izan da. Bozeramaileak gogorarazi duenez, Pedro Azpiazu Ogasun eta Ekonomia sailburuak oposizioko taldeekin datorren astean hitz egiteko asmoa du.
Adierazi duenez, Jaurlaritzak aurrekontu proiektuan egingo duen planteamendua "oso irekia" izango da, eta 2020rako kontuak "oso garrantzitsuak" direla azpimarratu du.
Exekutiboko bozeramailearen ahotan, legealdiko azken aurrekontuak lirateke eta une honetan "apustu ekonomiko sendoak egitea komeni da, egoera ekonomikoa indartzeko, lanpostuak sortzeko, hazkunde ekonomikoa finkatzeko eta zerbitzu publikoak berrindartzeko".
"Legealdian zehar Jaurlaritza egiten ari den apustua orain finkatu beharra dago, egoera ekonomikoaren bilakaerak horretarako beta emango duen unean", erantsi duenez.
Horregatik, oposizioko taldeei (EH Bildu, Elkarrekin Podemos eta PP) "erantzukizunez" jokatzeko eskatu die bozeramaileak. "Bigarren mailako edozein xede politiko" baztertu beharko luketela uste du. Aurrekontu proposamena "Euskadiren garapenaren, hazkunde ekonomikoaren sendotzearen eta enplegua finkatzearen aldeko apustu" bezala hartu behar dute, gaineratu duenez.
"Euskal gizartearen mesedetan apustua egiteko" eskatu dio Erkorekak oposizioari; izan ere, aurrekontuak "oso onak izango dira" eta "euskal gizarteak une honetan behar dituenak", esan duenez.
Horregatik, "aurrekontuari boikota egitea ez litzateke gobernuari boikota, segur aski euskal gizarteari boikota egitea baizik, baita hazkunde ekonomikoa, enplegua eta zerbitzu publikoak sendotzeko itxaropenei ere", argudiatu du.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.