AHTaren etorrera atzeratzeko beldur agertu da Eusko Jaurlaritza
Antonio Aiz Eusko Jaurlaritzako Azpiegitura eta Garraio sailburuordeak aitortu du Eusko Jaurlaritza kezkatuta dagoela Abiadura Handiko Trenaren (AHT) etorrerak izan dezakeen atzerapenarekin. 'Euskal Y' 2024rako martxan egotea aurreikusita dago, baina trenbide zerbitzua “are gehiago atzeratzeko beldur” dela esan du Aizek. Ildo horretatik, Espainiako Gobernuaren behin-behinekotasun egoerak ez duela laguntzen ohartarazi du, izan ere, orain arte “pilatutako atzerapena besterik ez du handitzen”.
Radio Euskadin egindako elkarrizketa batean, Espainiako jarduneko Gobernuaren Sustapen Ministerioak argitaratu berri duen AHTaren etorrerari buruzko txosten informatiboa izan du hizpide Aizek. Izan ere, trenbide zerbitzuak Gasteizen izango duen tartea burutzeko 872 milioi euro bideratuko dituzte, hasieran aurreikusitakoa baino 150 milioi euro gehiago (% 20).
Hala, Sustapen Ministerioak ostiralean jakitera eman zuen aurrekontuarekin kezkatuta agertu da Aiz, eta hasieran egindako "aurreikuspen ekonomikoarekin” ez datorrela bat gogora ekarri du. Ildo horretatik, Eusko Jaurlaritza kezkatuta dagoela ziurtatu du Aizek, “ez bakarrik aurrekontuan izandako aldaketarekin, baizik eta AHTaren iritsiera eta trenbidea lurperatzeko lanak aurreikusten dituen proiektuarekin ere”.
Testuinguru horretan, AHTak atzerapen "nabarmena" daramala salatu du Aizek, eta Eusko Jaurlaritza "are gehiago atzeratuko den beldur" dela azpimarratu du. "Gure partetik ahal dugun guztia egingo dugu epeak ahalik eta gehien murrizteko", iragarri du Azpiegitura eta Garraio sailburuordeak.
"AHTaren etorrerak benetako iraultza ekarriko du Euskal Autonomia Erkidegoko hiriburuetara. Tren bidezko harremanak 35 eta 40 minutu arteko denbora tartean egongo lirateke lotuta, eta ibilgailu pribatuarekin lehiakorrak izango ginateke", defendatu du Aizek.
Lanen amaiera
2024an AHTa Euskadira iristea bideragarria ote den galdetuta, egoera kritikoak daudela onartu du Aizek, hala nola, "Bilboko eta Gasteizko sarbideak eta geltokiak". Gauzak horrela, "2024. urtean ‘Euskal Y’ martxan egongo den zalantzan jartzen da", esan du.
Bere iritziz, "arazo politikoak edo erabaki politikoen falta” nabarmena izan da trenbide zerbitzuan “lehentasunak ezartzerako orduan”.
Albiste gehiago ekonomia
LABen ustez "udazken gorria" datorkio patronalari, EAErako LGS propioa negoziatzea onartu ezean
Igor Arroyo LABen koordinatzaile nagusiak adierazi duenez, patronalak 1.500 euro gordineko langilearteko soldata ezartzeko proposamena "blokeatzen" jarraitzen badu, sindikatuak "gatazkak sortuko ditu, mahaiz mahai, diru-sarrera horien azpitik dauden sektore guztietan". Imanol Pradales lehendakariari ere dei egin dio, eta Confebaski "presioa" egiteko eskatu dio, negoziazio mahaian "eser dadin". Eusko Jaurlaritzak "horretarako baliabideak" dituela gaineratu du.
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.