EAEko pentsiodunek udaletako karguen soldaten igoera salatu dute
Bizkaiko Pentsiodunen Mugimenduak hainbat udaletako politikariek soldatak % 20, % 30 eta % 40 igo izana salatu du.
Pentsiodunek Alacanteko Pilar de la Horadada udalerriaren kasua nabarmendu dute Bilboko Udalean egin ohi duten asteroko elkarretaratzean. Dirua "beharrezkoak diren" pentsio publikoetara bideratu beharrean, alkatearen soldata % 160 igo baitute herri horretan.
Udan Bizkaiko pentsiodunak izango dira mobilizazioekin jarraituko duten bakarrak, arabarrek irailaren 16ra arte atzeratu baitituzte, eta gipuzkoarrek ere etenaldi bat egingo dute uztailaren 22tik irailaren 9ra.
Bizkaiko mugimenduaren arabera, gobernu batek ere ez du jarri martxan pentsioen sistema publikoaren beharrak asetzeko proiekturik. Beraz, "irmotasunez jarraituko dugu hurrengo hilabeteetan".
"Ez da bidezkoa alargunek hilean 711 eurorekin bizi behar izatea, baina gobernu autonomikoari ez zaio axola populazioaren % 9 pobrezia arriskuan egotea", adierazi du bozeramaileetako batek.
Elkarretaratzearen pentsiodun gazteak ere izan dituzte hizpide; biztanleriaren % 10 osatzen dute.
"Pertsona hauek lan egin dezakete laguntzak jasotzeari utzi gabe, baina inork ez ditu kontratatzen desgaitasuna dutelako", kritikatu du bozeramaile batek.
Bestalde, Gasteizen ehunka pentsiodun bildu dira udaletxearen aurrean orain arte egindako mobilizazioak aztertzeko, eta, beste behin ere, 1.800 euroko gutxieneko pentsioa eta lan urritasunarekin amaitzea aldarrikatu dute. Udan etenaldia egingo dute eta irailaren 16an ekingo diete berriro mobilizazioei.
Donostian ere ehunka pentsiodun elkartu dira Alderdi Ederren, astelehenero legez, eta manifestazioa egin dute Alde Zaharreko anbulatorioraino. Han 350 firmako idatzia aurkeztu dute langileen eskakizunak babesteko.
Donostiako pentsiodunek mobilizazioekin jarraituko dute uztailaren 22ra arte, eta ondoren geldialdia egingo dute irailaren 9a arte.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.