Salatutako lan baldintzak azpikontratatutako enpresei egotzi die Last Tourrek
Bilbao BBK Live jaialdia antolatzeaz arduratzen den Last Tour konpainia bilbotarrak adierazi du hainbat gazte taldek eta langile ohik salatutako "12 orduko lanaldiak" eta "orduko 4 euroz azpiko soldatak" promozio lanetik harago doazela, eta beraz, horretarako beren-beregi azpikontratatutako enpresek dutela lan baldintza horien gaineko ardura.
Ohar batean, Last Tourrek zera argitu nahi izan du: "Jaialdiaren harira argitaratutako iruzkinekin lotuta, argi utzi nahi dugu hitzarmen horien ardura ez dela gurea, hau da, azpikontratatutako enpresak daudela horren atzean".
Halaber, ohar horretan esan du "lan duinaren aldeko konpromisoa" dutela, eta "baldintzak hobetzeko ahalegina" egiten dutela urtez urte.
Bukatzeko, kaltetutako langile guztiei agindu die jaialdian zehar gertatutako arazo ororen berri emateko, hurrengo edizioetan berriro ere horrelakorik gerta ez dadin.
Iragan ostiralean Eragin Bilbok, Bilboko Gazte Prekarizatuen Asanbladak, protesta egin zuen Bizkaiko hiriburuan Bilbao BBK Live jaialdiko langile askoren lan baldintzak salatzeko.
Mikel Ruiz Asanbladaren bozeramaileak orduan azaldu zuenez, Last Tourrek azpikontratatutako beharginek bereziki dituzten lan baldintza txarren inguruko lehen informazioak jaso zituztenean hasi ziren protesta mugitzen.
Asanbladak kartel bat jarri zuen sare sozialetan egoera hori salatzeko, eta denbora tarte gutxian lekukotza "ugari" jaso omen zituzten.
Bestalde, lan baldintza prekarioak salatu ditu LAB sindikatuak ere. Sindikatuaren arabera, orduko lau euro edo gutxiagoko soldata jasotzen dute 12 ordu edo gehiagoko lanaldien truke.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.