Bilboko Aireportuak hileko 600.000 bidaiariko marka gainditu du lehen aldiz
Bidaiarien kopuruak gora egiten jarraitzen du Bilboko Aireportuan, eta % 8,5 igo da uztailean, 603.139 bidaiari izan baititu. Ondorioz, Bizkaiko aireportuak hileko 600.000 bidaiariko marka gainditu ditu historian lehen aldiz.
Urteko lehen zazpi hilabeteen balantzeak % 9ko igoera izan du bidaiarien kopuruari dagokionez, 3.378.284 bidaiarik erabili baitute aireportua joan-etorrietarako.
Operazio kopuruari dagokionez, % 4,5 joan-etorri gehiago izan dira, uztailean 4.930 izan baitira (iaz 30.241 joan-etorri izan ziren urte osoan).
Hondarribiaren kasuan, guztira 186.332 bidaiarik erabili dute Donostiako Aireportua 2019ko lehen zazpi hilabeteetan. Hortaz, iazko datuekin alderatuz, % 9,1 igo da bertan bidaiarien kopurua. Uztailean 32.933 bidaiarik erabili dute Gipuzkoako aireportua, aurreko urteko hilabete berean baino % 14,1 gehiagok.
Bestalde, Iruñeko Aireportuak % 16,3ko igoerarekin itxi du uztaila, 25.047 bidaiari zenbatu baitituzte.
Aenako datuen arabera, urtea hasi zenetik 139.236 bidaiari hartu ditu, aurreko urteko epe berean baino % 12,6 gehiago.
Forondako aireportuak 17.565 bidaiari izan ditu uztailean, % 51 gehiago
Forondako aireportuak (Gasteiz) 17.565 bidaiari izan ditu uztailean, % 51 gehiago, iazko datuekin alderatuz gero.
Urtarriletik uztailera bitartean 100.067 bidaiarik erabili dute Gasteizko Aireportua, iaz baino % 22,3 gehiagok.
Operazioei dagokienez, 1.130 lurreratze eta aireratze zenbatu dira uztailean, % 38,3 gehiago.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.