Langabezia abuztuan % 2,65 igo da EAEn eta % 0,26 Nafarroan
Abuztuan Euskal Autonomia Erkidegoko lan zerbitzu publikoetan uztailean baino 2.994 langabe gehiago daude erregistratuta. % 2,65eko igoeraren ostean, 116.078 langabe daude guztira.
Enplegu eta Gizarte Segurantza Ministerioak argitaratutako datuen arabera, 2018ko abuztuarekin alderatuta, 7.528 langabe gutxiago daude EAEn. Beraz, azken urtean % 6,09ko jaitsiera izan da. Espainiar Estatuan (% 3,65) baino handiagoa izan da jaitsiera.
Beatriz Artolazabal Enpleguko eta Gizarte Politiketako sailburuak nabarmendu duenez, abuztuan datu "txarra" izan den arren, urte osoko eboluzioa ona da, eta gainera, luzaroko langabeen datuetan "oso eboluzio positiboa" izan da, 687 pertsona irten direlako langabeen zerrendetatik.
Artozalabalentzat, ekonomia "aukerak ematen ari da pertsona kronifikatuenei, arrisku gehien dutenei eta ahulenei".
"Abuztua oporraldietako hilabetea den arren, urte osoko tendentzia positiboa da, eta guztion artean bultzatzen jarraituko behar dugu, formazio hobearekin eta gure gizarte osoaren konpromisoarekin: enpresak, gizartea eta erakundeak", azpimarratu du.
Abuztuko kontratu mugagabeen portzentajea aurreko hilabetean baino 0,5 puntu gutxiagokoa izan zen, eta 0,7koa txikiagoa iazko abuztuarekin konparatuta. Kontratu mota hauen metatua 53.238koa da, iaz baino % 6,38 gutxiago.
Manufaktura industriak, ostalaritza, merkataritza eta hezkuntza dira abuztuan gehien gutxitzen diren sekzioak. Urte osoko eboluzioan osasungintzaren, gizarte zerbitzuen, hezkuntzaren eta aktibitate zientifiko eta teknikoen datu ona da nabermangarria.
Nafarroako Foru Erkidegoan enplegu bulegoetan erregistratutako langabezia % 0,26 (81 pertsona) igo da abuztuan.
31.083 langabe daude Nafarroan. Orain dela urte bateko datuekin konparatuta, 1.581 langabe gutxiago daude, hau da, % 4,84 gutxiago.
Espainiar Estatu osoan, 54.371 langabe gehiago daude, uztaileko datuekin alderatuta. Abuztuko hilabetean izan den igoerarik altuena da 2010etik. Guztira, 3.065.804 langabe daude. Azken urtean, 116.264 gehiago dira.
Abuztuko igoera 2018ko hilabete berekoa (47.047) eta 2017koa (46.400) baino altuagoa da, eta batez ere, 2016 (14.435), 2015 (21.679) eta 2014ko (8.070) abuztuetakoak baino altuagoa.
Albiste gehiago ekonomia
Euskal pentsiodunek manifestazioa egingo dute hilaren 20an, Jaurlaritzak pentsioen osagarriari buruzko HELa baztertu ostean
EAEko pentsiodunek manifestazioa egingo dute Bilbon (Jesusen Bihotzetik, 18:00etan), Donostian (Boulevardetik, 12:00etan) eta Gasteizen (Artiumen plazatik, 12:00etan).
Etxebizitzen prezioa % 12,4 garestitu da urteko bigarren hiruhilekoan Euskadin, eta % 12 Nafarroan
Espainian, oro har, etxebizitzen prezioaren igoera urte arteko % 12,7an kokatu da. Etxebizitza motaren arabera, bigarren eskukoa % 12,8 garestitu da eta berria % 12,1.
Balore Merkatuaren Espainiako Batzordeak onespena eman dio BBVAk Sabadell erosteko egindako eskaintza publikoari
Ikuskatzaileak uste du eskaintzaren baldintzak bat datozela indarrean dauden arauekin, eta nahikotzat jo du BBVAk aurkeztutako azalpen-liburuxkaren edukia.
Denis Itxaso: "EAEko biztanleriaren % 50 baino gehiago egongo da tentsio handiko etxebizitza-eremuaren babesean urritik aurrera"
Radio Euskadin egindako elkarrizketa batean, Eusko Jaurlaritzako Etxebizitza eta Hiri Agendako sailburu Denis Itxasok esan du Bilbo tentsio handiko etxebizitza-eremu gisa onartu dutela, eta Gasteiz ere zerrendan sar daitekeela. Beste udalerri batzuk sartuta, sailburuaren arabera, Jaurlaritzaren helburua gaindituko da; EAEko biztanleriaren % 50 babestea babes-figura horren bidez. (Jatorrizkoa: Gaztelaniaz)
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.