Jaurlaritzak 27,5 milioi gehiago zuzenduko dizkio aurten itunpeko hezkuntzari
Ikasturte honetan, alegia, 2019/20 ikasturtean, Eusko Jaurlaritzak 27,5 milioi euro gehiago zuzenduko dizkio itunpeko hezkuntzari; kontu-sail hori Gobernu Bileran onartuta, Hezkuntza sailburu Cristina Uriartek adierazi du espero duela igoera horrek laguntza eman ahal izatea sare horretako sindikatuek eta patronalak hitzarmena erdietsi eta 18/19 ikasturtean 24 greba-egun eragin zituen lan-gatazkari amaiera emateko.
Euskadiko itunpeko hezkuntzaren sarearentzako hainbat kontu-sail onartu ditu Jaurlaritzak astearte honetan; hain zuzen ere, guztira 608,7 milioi euro zuzenduko ditu, eta gehienak, 606 milioik, hitzarmen hori finantzatzea izango du xede.
24 greba-egun, 18/19 ikasturtean
Sindikatuek, aurreko ikasturtean, 24 greba-egin deitu zituzten, gizarte-ekimeneko itunpeko eskoletan, lan-hobekuntzak galdegiteko asmoz. Ematen duenez, lan-gatazka horren irtenbidea ez dago gertu; izan ere, ELAk, Steilasek, CCOOk eta LABek ohartarazi dute mobilizazioak areagotuko dituztela patronalak eta Eusko Jaurlaritzak ez badie erantzuten euren aldarrikapenei. Sailburuak, bitartean, berretsi du akordioa "gatazkan dauden bi aldeek" lortu behar dutela, eta Jaurlaritzak jarraituko duela egiten "bere esku dagoen guztia", akordio hori errazteko.
606 milioi euro aurreikusi ditu Jaurlaritzak; diru hori erabiliko dute finantzatzeko pertsonal-gastuak (irakasleenak, eta gainerako langileenak), alde batetik, eta, bestetik, langile horien funtzionamendu arrunta ere, Haur Hezkuntzako bigarren zikloan, Lehen Hezkuntzan, DBHn, Batxilergoan eta Lanbide Heziketan.
Hasi berri den 2019-2020 ikasturtean, EAEko 314 eskola pribatu daude itunpeko sarean (34 Araban, 160 Bizkaian, eta 120 Gipuzkoan); guztira, 7.157 gela daude, eta 171.000 ikasle, hau da, Euskadin eskolaturik dauden ikasleen % 49,2.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.