Itunpekoetako sindikatuak: 'Birkokapenen gaia da akordiorako zailtasun nagusia'
17:00etatik 23:00etara egon ziren bilduta atzo EAEko itunpeko irakaskuntzako gatazkan nahasita dauden alde guztiak —sindikatuak, Kristau Eskola eta AIZE-IZEA patronalak eta Hezkuntza Saila—, Iñaki Varas Lan Harremanen Kontseiluak izendatutako bideratzailearen gidaritzapean. Akordiorik ez zuten itxi, ordea. Batzarretik ateratzean sindikatuek argitu zutenez, "birkokapenen gaia da akordioa lortzeko zailtasun nagusia". Adostasunik lortu ez, eta gaur ere greban izango dira langileak.
Sei orduko bileraren ondotik "aurrerapauso askorik ez" zutela lortu aitortu zien kazetariei Miren Zubizarreta ELAko ordezkariak. Baikorrago mintzatu zen Mikel Ormazabal Kristau Eskolako zuzendaria. "Konponbidea lortzeko borondatea egon da, eta badago parte guztietan". Ormazabalen hitzetan, asteazkeneko bileran zintzilik geratu ziren "gai batzuk falta dira ixteko".
Zehatzago mintzatu zen Zubizarreta, eta akordioa lortzeko oztoporik handiena birkokapenen gaia dela argitu zuen. "Guk gai horren inguruan hitz egiten jarraitu nahi genuen bihar (gaurko egunagatik), baina bai patronalak eta bai Hezkuntza Sailak esan digute denbora behar dutela". Hala, datozen egunetan berriz elkartzeko geratu dira; "ez dugu egunik itxi, bideratzaileak deitzen gaituenean etorriko gara", argitu zuen.
Ostiral honetan, bada, ez omen dira bilduko, baina sindikatuek nabarmendu dute "beranduenez astelehenean zerbait" jakin behar dutela. "Espero dugu enpleguaren mantenua bezalako gai garrantzitsu honi ahalik eta azkarren heltzea, eta akordioa lortzea", erantsi du Zubizarretak.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.