Itunpeko irakaskuntzako sindikatuek 'erantzukizuna' eskatu diote patronalari
Bigarren greba eguna dute gaur EAEko gizarte ekimeneko itunpeko irakaskuntzan. ELA, LAB, Steilas eta CCOO sindikatuen arabera, beharginen % 75ek egin du bat deialdiarekin. Kristau Eskola patronalak, aldiz, % 16ra murriztu du jarraipena.
Gaurko mobilizazioek Bilbo izan dute jomuga. Goizean, 08:00etan hasita, manifestazioa egin dute San Mameseko sarbidetik abiatuta, eta horrek eragozpenak sortu ditu hiriburuko sarrera-irteera horretan.
Sindikatuek ohar bateratu batean jakinarazi dutenez, ostiral honetako jarraipena atzokoaren "oso parekoa" izan da, % 75ren ingurukoa, eta Eusko Jaurlaritzak ezarritako gutxieneko zerbitzuak "abusiboak" kritikatu dituzte. Euren datuen arabera, 4.000 langilek baino gehiagok parte hartu dute bi egunotan antolatutako manifestazioetan. Negoziazioaren inguruan, argitu dute "birkokapenen gaia" dela akordioa lortzeko oztopo nagusiena.
Sindikatuek "erantzukizuna" eskatu diete patronalari eta Jaurlaritzari, negoziazioetan emandako aurrerapauso "garrantzitsuen" ostean akordioa lortu ahal izateko. "Ez dugu egun bat gehiago eman nahi greban", nabarmendu dute.
Los sindicatos han apelado a la "responsabilidad" de la patronal y el Gobierno Vasco para que los avances "importantes" logrados en la negociación entre la partes posibiliten un acuerdo: "No queremos -han asegurado- llegar a hacer un día más de huelga".
Bere aldetik, Kristau Eskola patronalak bestelako jarraipen datuak eman ditu. Zehaztu duenez, 8.199 langileetatik 1.350ek egin dute grebarekin bat. Lurraldeka honakoa izan da jarraipena: Araban, % 13; Bizkaian, % 25 eta Gipuzkoan, % 6.
Manifestazioa Bilbon
Bilboko sarbideak, bereziki San Mameskoa, kolapsatu egin dira sindikatuek deitutako manifestazioa dela eta. Protesta 08:00etarako deitu dute, hain zuzen, hiribururako sarrera-irteerak ibilgailuz beteta izaten direnean.
Tuneletako zirkulazioa eten egin dute, eta, hori dela eta, San Mameseko sarbidean ez ezik, Bilborako beste sarbide batzuetan ere izan du eraginik manifestazioak, ohi baino ibilgailu kopuru handiagoa izan baitute.
Goizeko manifestazioa San Mamesetik abiatu da, baina 12:00etan beste bat deitu dute, Jesusen Bihotzetik abiatzeko asmoz, hain zuzen.
ELA, LAB, CCOO eta Steilas sindikatuek gizarte ekimeneko itunpeko ikastetxeetan deitutako grebarekin jarraituko dute gaur, ostirala, bart patronalekin egindako bilera lan-hitzarmenaren inguruan akordiorik gabe amaitu ostean.
Sindikatuek atzo, osteguna, hasi zituzten hilabeteko lanuzteak, abenduaren 5era arte, baina negoziatzen jarraitzen dute, eta asteazkeneko bilera akordiotik gertu amaitu zuten.
Bart egindako bilera 23:00ak arte luzatu da, baina, sindikatuek azaldu dutenez, ez dute aurrerapauso "esanguratsurik" eman, eta, ondorioz, ez dute akordiorik lortu.
Zure interesekoa izan daiteke
Petronorreko gatazkak bere horretan dirau: langileek ez dute akordioa onartu eta greba mugagabean jarraitzen dute
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
50 udalerritatik igaroko diren 163 kilometro hodi aurreikusten ditu Euskadiko hidrogeno-korridoreak
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira eta 400 milioi euroko inbertsioa eskatuko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.
Astelehen honetan hasiko dira sailburuak beren sailetako aurrekontuak Legebiltzarrean aurkezten
2026ko aurrekontuen egutegiaren arabera, osoko zuzenketen bilkura datorren abenduaren 9an egingo dute, eta Ogasun eta Aurrekontu Batzordeak landutako irizpena eztabaidatzeko osoko bilkura, abenduaren 23an.
Kamioilari bat zauritu da Taxoaren, deskargatzen ari zen metalezko fardel bat gainera erorita
59 urteko gizona Nafarroako Unibertsitate Ospitalera eraman dute, pronostiko erreserbatuko kolpe ugarirekin. Larunbat honetan, lanean ari zela gertatu da istripua.
MasOrange osoa eskuratzeko akordio ez-loteslea iragarri du Orangek
Operazioa urte honen amaieran egitea aurreikusten du. Horrela, Euskaltel, MasOrangen integratuta dagoena, enpresa frantsesaren eskuetara igaroko da.
Dozenaka kamioik trafikoa oztopatu dute Iruñean, baldintza hobeak aldarrikatzeko
Tradisna elkarteak hilabeteak daramatza "fiskalitate justua", garraio astunari bidesarien kobrantza etetea edota azpiegiturak hobetzea aldarrikatzen.
Eusko Jaurlaritzak Berrikuntzaren Itsasargiak abiatu ditu, Euskadi abangoardia zientifiko eta sozialeko Europako polo gisa sendotzeko
Berrikuntzaren Itsasargiak aurkeztu ditu, lehentasunak eta apustuak argitu, eta gizartean eta ekonomian eragina izango duten ezagutza aurreratuko proiektuak sustatzeko. Berrikuntza Funtsak 81 milioi euro izango ditu 2026an, eta % 6 handituko da urtero, 2030ean 103 milioi eurotik gorakoa izateko.