Arabak eta Bizkaiak urtarrilaren 1ean hartuko dute AP-68aren titulartasuna
Eusko Jaurlaritzak asteazken honetan formalizatu du AP-68 autobideko 77,5 kilometroko titulartasuna Bizkaiko (22,3 kilometro) eta Arabako (55,2 kilometro) aldundien esku uztea, eta, horrenbestez, 2020ko urtarrilaren 1etik aurrera, Bizkaiko eta Arabako aldundiek hartuko dute horren ardura. Eskualdaketak 1,9 milioi euroko kostua izango du urtero.
Eusko Jaurlaritzak eta Arabako eta Bizkaiko foru aldundiek batzorde mistoak osatu dituzte gaur goizean, Lakuan, AP-68 autobideko Bilbo udalerriaren eta Euskadik Burgos probintziarekin bat egiten duen tokiaren arteko zatia lurralde historikoen esku uzteko.
Horrenbestez, 2020ko urtarrilaren 1etik aurrera, EAE zeharkatzen duten errepide guztiak izango dira euskal titulartasunekoak eta foru eskumenekoak, Josu Erkoreka Gobernuko bozeramaile eta Gobernantza Publiko eta Autogobernuko sailburuak prentsaurrekoan iragarri duenez.
Ramiro Gonzalez Arabako ahaldun nagusiaren esanetan, eskualdaketa horrekin, Arabatik igarotzen diren errepide guztiak Arabako Foru Aldundiaren esku daude, duela hilabete batzuk AP-1 autobidearen Burgos eta Armiñon arteko zatiaren transferentzia jaso ondoren.
Horren esanetan, Arabak "potentzial logistiko handia du, eta lurralde logistiko bat da jada", eta etorkizunerako errepide politika osorik planifikatzeko aukera izateak "politika hori hobetzeko aukera ematen digu, eta arabarren bizimodua eta Arabako errepideetatik igarotzen direnena ere bai".
Bestalde, Imanol Pradales Bizkaiko Azpiegitura eta Lurralde Garapeneko foru diputatuaren arabera, AP-68 autobidea "funtsezkoa" da jarduera ekonomikoa eta industriala sortzen duen trafikoak ahalmen handiko korridoreen bidez bideratzeko, "horrela gure eragin eremua handituz".
Pradalesen ustez, autobidearen zati horren titularra izateak erabiltzaileei zerbitzu "integrala eta askoz eraginkorragoa ematea ahalbidetuko digu, baita mugikortasun eskaria modu batean planifikatu eta kudeatzea ere".
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.