Euskadiko langabezia-tasa zazpi hamarren jaitsi da, eta % 9,6an kokatu da 2019an
Euskal Autonomia Erkidegoko (EAE) langabezia-tasa batez beste % 9,6koa izan zen iaz, eta, horrenbestez, zazpi hamarren jaitsi zen 2018ko datuekin alderatuta; izan ere, 7.200 pertsonak langabezian egoteari utzi zioten, Eustatek biztanleria jardueraren arabera sailkatzeko egindako inkestaren arabera.
Langabeen kopurua jaisteaz gain, EAEko lan-merkatuaren iazko datuek okupazio-tasaren hobekuntza islatzen dute, iaz, batez beste, 11.000 pertsona gehiago izan baitziren lanean.
Okupazioak gora egin du bai gizonen artean (+6.100) bai emakumeen artean (+5.100) hiru lurralde historikoetan: 1.700 pertsona gehiago zenbatu dituzte lanean Araban, 4.000 gehiago Bizkaian eta 5.300 gehiago Gipuzkoan.
Batez beste, 4.700 gizon gutxiago eta 2.500 emakume gutxiago zenbatu dituzte langabezian: 700 langabe gutxiago zenbatu dituzte langabezian Araban, 4.100 gutxiago Bizkaian eta 2.400 gutxiago Gipuzkoan.
Hala, Beatriz Artolazabal Enplegu eta Gizarte Politiketako sailburuak positibotzat jo ditu datu horiek, eta nabarmendu du horrela sendotu egiten dela Eusko Jaurlaritzaren helburua, langabezia-tasa % 10etik behera jaistea lortu baita.
Gainera, Artolazabalen iritziz, aurtengo "aurreikuspenak positiboak dira oraindik", nahiz eta nazioarteko ziurgabetasunek euskal ekonomian ere eragina izango duten. Dena dela, Euskadin "enplegua sortzen eta aukera berriak ematen" jarraituko dutela berretsi du.
"Oso gertu gaude Gizarte Segurantzako afiliatuen errekorra lortzetik", adierazi du sailburuak. Hala, beheranzko joera horretan jarraitzeko eta kalitatezko enplegu berria lortzeko tresna berriak iragarri ditu, "hori ere Jaurlaritzaren beste erronketako bat baita". Azkenik, Artolazabalek esan du datu positibo horiek ez dutela ezkutatu behar oraindik badirela egoera zailean dauden pertsonak.
Zure interesekoa izan daiteke
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.